Bakı/23.10.18/Turan: Xəzərin hüquqi statusu haqqında Konvensiya dənizdə neft-qaz layihələrinin və təsərrüfat-iqtisadi fəaliyyətin ardıcıl və təhlükəsiz şəkildə həyata keçirilməsini təmin edəcək. Bundan başqa, Konvensiya sahilyanı dövlətlərin suverenliyinin və müstəsna hüquqlarının şamil edildiyi ərazi sularını və balıqçılıq zonalarını müəyyən edir. Bu barədə RİA-Novosti-yə müsahibəsində Azərbaycan XİN başçısı Elmar Məmmədyarov bildirib.
Tezliklə sahilyanı ölkələrin işçi qrupları sahilyanı ölkələrin ərazi sularının müəyyən edilməsi metodlarının təsbit edilməsi məqsədilə Bakıda ilk görüşlərini keçirəcək, deyə o qeyd edib.
Azərbaycan və Ermənistan liderlərinin Qarabağ münaqişəsinin nizamlanması üzrə mümkün görüşü haqqında suala cavabda Məmmədyarov deyib ki, Azərbaycan münaqişənin mərhələli həllinə nail olmaq məqsədilə substantiv danışıqları davam etdirməyə hazırdır.
"Bakı nəticəyə - Azərbaycan ərazilərinin işğalına son qoyulmasına, məcburi köçkünlərin, o cümlədən Dağlıq Qarabağın azərbaycanlı icmasının təhlükəsiz şəkildə evlərinə yqayıtması üçün şərait yaradılmasına, Azərbaycanın Dağlıq Qarabağ bölgəsinin erməni və azərbaycanlı icmalardan ibarət əhalisi üçün geniş özünüidarə hüquqlarının verilməsinə yönəlmiş məsuliyyətli dialoqun təşviq edilməsi zərurəti haqqında mövqeyini dəfələrlə səsləndirib", deyə XİN başçısı bildirib.
Ümid edirik ki, Ermənistan rəhbərliyi yaxın gələcəkdə mövcud format çərçivəsində və məlum gündəlik əsasında danışıqlar prosesinin davam etdirilməsi üzrə siyasi iradə nümayiş etdirə biləcək, deyə o əlavə edib.
ABŞ prezidentinin köməkçisi Con Boltonun qarşıda duran səfərinə toxunan Məmmədyarov qeyd edib ki, ABŞ BMT Təhlükəsizlik Şurasının daimi üzvü və ATƏT-in Minsk Qrupunun üç həmsədrindən biridir, buna görə Azərbaycanın Vaşinqtonla "dialoq üçün geniş sahəsi var".
Məmmədyarov Azərbaycanın KTMT-yə daxil olması ehtimalı haqqında suala cavabdan yayınaraq, Bakının tarazlaşmış xarici siyasət həyata keçirdiyini və Ermənistandan başqa, KTMT-yə üzv bütün dövlətlərlə fəal ikitərəfli dialoqu və qarşılıqlı səmərəli əməkdaşlığı inkişaf etdirir. -02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz