Avropa Məhkəməsi Murad Ədilovun şikayətini baxılması üçün qəbul edib
Avropa İnsan Hüquqları Məhkəməsi (AİHM) Azərbaycanda həbs edilmiş Xalq Cəbhəsi Partiyasının fəalı Murad Ədilovun ona qarşı işgəncələr haqqında şikayətini icraata qəbul edib.
Vəkil Yalçın İmanovun Turan-a verdiyi məlumata görə, şikayətdə Avropa İnsan Hüquq və Azadlıqları Konvensiyasının 3-cü maddəsinin (işgəncələrin qadağan edilməsi) pozulduğu bildirilir.
Vəkilin sözlərinə görə, Ədilov 11 avqust 2014-cü ildə saxlanıldıqdan sonra təsdiqedici ifadə almaq məqsədilə Sabirabad polis şöbəsində bir saat ərzində işgəncələrə məruz qalıb.
Müdafiə tərəfin şikayətlərinə baxmayaraq, prokurorluq bu faktla bağlı cinayət işi açmaqdan imtina edib, Azərbaycan məhkəmələri isə prokurorluğun qərarından verilmiş şikayətləri təmin etməyiblər. Bununla əlaqədar olaraq müdafiə tərəfi AİHM-ə müraciət edib.
Bir müddət əvvəl AİHM Ədilovun 5-ci (azadlıq və şəxsi toxunulmazlıq hüququ) maddə üzrə pozuntular haqqında ərizəsini qəbul edib.
Müdafə tərəfi M.Ədilova qarşı cinayət işinin mahiyyəti üzrə üçüncü bir şikayət vermək niyyətindədir.
* Ədilov bu ilin may ayında qanunsuz narkotik dövriyyəsi ittihamı ilə 6 il müddətinə azadlıqdan məhrum edilib. O, müxalif jurnalist, “Azərbaycan saatı” televiziya verilişinin aparıcısı, məcburi mühacirətdə olan Natiq Ədilovun qardaşıdır. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz