Azərbaycanın Avstraliyadakı səfirliyinin keçmiş əməkdaşı Fərid Subhanverdiyev Turan agentliyinə göndərdiyi müraciətdə KİV-də onun haqqında gedən nəşrlərdən narazılığını bildirib. Xüsusən, o, siyasi sığınacaq istəməsi haqqında məlumatları təkzib edib.
“KİV-də gəzən əsassız məlumatlar məni ciddi şəkildə narahat edir. Bəyan edirəm ki, mən müxalifətə keçməmişəm və sığınacaq istəməmişəm. Hazırda Avstraliya Milli Universitetində Diplomatiya üzrə magistr təhsili alıram.
2 illik təhsilimi başa vurduqdan sonra bilik və bacarığımı dövlətimizin milli maraqlarının qorunması istiqamətində sərf etməyi planlaşdırıram”, deyə müraciətdə bildirilir.
Xatırladaq ki, qeyri-rəsmi məlumatlara görə, bu diplomat Arif Məmmədovun Azərbaycanda dövlət məmurlarının özbaşınalığı haqqında tənqidi nəşrini “layk etdikdən” sonra səfirlikdəki vəzifəsindən ayrılıb.
Həmin səfirlikdə yenə “layk”a görə zərər çəkmiş daha bir diplomat vəzifəsindən qovulan üçüncü katib Anar Həsənov olub. -02В-
Siyasət
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
Rəy yaz