Azərbaycan konsulunun müavini İranda həbs olunmuş ədiblərlə görüşüb
İyulun 26-da Təbrizdə konsul müavini Nəriman Orucov İranda həbs olunmuş azərbaycanlı ədiblər Fərid Hüseyn və Şəhriyar Hacızadə ilə görüşüb. Bu, bu il mayın 2-də Təbrizdə onların həbsindən sonra ilk görüşdür.
Azərbaycan XİN mətbuat katibi Elman Abdullayev bugünkü brifinqdə bildirib ki, konsul müavini ilə həbs olunanların görüşü Təbriz həbsxanalarından birində baş tutub. Həbs olunanlar bildiriblər ki, onları başqa yerdə saxlayırlar və bura konsulluğun nümayəndəsi ilə görüşə görə gətiriblər.
Onlar həmçinin bildiriblər ki, həbs olunduqdan sonra ilk üç həftə onları ayrı, sonra isə bir yerdə saxlayıblar.
“Onları nədə günahlandırırlar” sualının cavabında ədiblər deyiblər ki, İrana “icazəsiz” gəlməkdə ittiham olunrlar. Lakin gənclər bildiriblər ki, onlar ədəbi festivala gəliblər və geriyə Təbriz vasitəsilə qayıdıblar, heç bir qanun-qaydanı pozmayıblar.
E.Abdullayev bildirib ki, Azərbaycan hakimiyyəti öz vətəndaşlarına hüquqi yardım göstərmək üçün zəruri olan hər şeyi edəcək. O həmçinin deyib ki, bu gün həbs olunanların qohumları İrana yola düşürlər. İyulun 28-də Təbrizdə onların görüşünün təşkil olunacağı vəd edilib.
Xatırladaq ki, F.Hüseyn və Ş.Hacıyev mayın əvvəlində Tehrandan gələrkən Təbrizdə oğurlanıblar. İran tərəfi bu barədə rəsmi bəyanat verməyib. Lakin İran KİV-nin məlumatına görə, ədiblər casusluqda ittiham olunur.
Rəsmi Bakı ən yüksək səviyyədə sərt şəkildə öz vətəndaşlarının buraxılmasını tələb edib. Lakin İran KİV-i eyham vurub ki, Azərbaycanda həbs olunmuş iranpərəst fəallar – bir neçə jurnalist və din xadimi azadlığa buraxılarsa, ədiblər də azadlığa çıxa bilər.-04V-
-
- Söz istəyirəm
- 27 İyul 2012 13:04
-
- İqtisadiyyat
- 27 İyul 2012 13:27
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz