Bakı/12.08.19/Turan: Azərbaycan və İranın xarici işlər orqanları narkotiklərin qanunsuz dövriyyəsinə qarşı mübarizə tədbirlərinin əlaqələndirilməsini gücləndirəcək. Bu barədə Azərbaycan DİN-in Baş Narkotiklərlə Mübarizə İdarəsinin rəisi Həzi Aslanovun İranın narkotiklərə qarşı mübarizə xidmətinin rəisi Məhəmməd Zahedianla görüşündə bildirilib.
DİN-in mətbuat xidmətinin məlumatına görə, görüş ötən həftə sərhəddə yerləşən Lənkəran şəhərində keçirilib.
Tərəflər bir-birinə narkotraffikin qarşısının alınması üzrə görülən tədbirlər haqqında məlumat verib və məlumat və təcrübə mübadiləsini davam etdirmək barədə razılığa gəlib. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz