Bakı/12.09.19/Turan: Dünən baş prokuror Zakir Qaralov Avropa Şurasının İnsan hüquqları və Qanunun Aliliyi üzrə Baş Direktorluğunun rəhbəri Xristos Cakumopulosu qəbul edib.
Görüşdə Azərbaycanda insan hüquq və azadlıqlar, Şurası ilə münasibətlər ətrafında fikir mübadiləsi aprılıb.
Baş Prokurorluğun məlumatına görə, Qaralov qonağa ölkədə məhkəmə-hüquq sahəsində əldə edilmiş nailiyyətlər, Penitensiar Sistemdə və qanunvericilikdə islahatlar barədə danışıb.
Sakumopulos cavab sözündə ölkənin məhkəmə-hüquq sahəsində aparılmış islahatları alqışlayıb və AŞ ekspertlərinin bundan sonra da Azərbaycana kömək etməyə hazır olduğunu bildirib.
Baş Prokurorluğun versiyasına görə, AŞ nümayəndəsi başqa heç nə barədə danışmayıb. Amma Bakı və Strasburq arasında qarşılıqlı münasibətlərdə Azərbaycanın Avropa İnsan Hüquqları Məhkəməsinin qərarlarını yerinə yetirməkdən imtina etməsinin ciddi problem olaraq qaldığı sirr deyil.
Həmçinin, Bakı Avropa Şurasının siyasi məhbus problemini həll etmək çağırışına məhəl qoymur. AŞPA prezidenti Lilian Mori Paskye də sentyabrın 11-də Bakıda bu barədə danışıb. -03D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz