Azərbaycan XİN BMT və ATƏT-ə AErmənistanın təxribatları haqqında məlumat verib

Azərbaycan XİN rəhbəri BMT TŞ baş katibinə və rəhbərinə, habelə ATƏT daimi şurasının sədrinə erməni qoşunlarının son günlər Azərbaycanın yaşayış məntəqələrinə kütləvi atəş açması haqqında məlumat verib.

BMT-nin Sivilizasiyalar Alyansının 7-ci qlobal forumu ərəfəsində və forumun işi zamanı Ermənistan SQ ağır artilleriya silahlarından Azərbaycan SQ-nin cəbhə xətti boyunca yerləşən mövqelərinə, sıx məskunlaşmış məntəqələrə və mülki obyektlərə atəş açıb, bu barədə Azərbaycan XİN-in rəsmi nümayəndəsi Hikmət Hacıyevin bəyanatında deyilir.

Bu zaman düşmən beynəlxalq konvensiyalarda qadağan edilmiş silah növlərindən istifadə edib. Nəticədə xüsusən Tərtər rayonunda şəxsi və dövlət mülkiyyətinə ciddi ziyan dəyib.

Bununla əlaqədar olaraq, Azərbaycan XİN rəhbəri BMT baş katibi Pan Gi Muna, BMT TŞ sədri Lü Tszen və ATƏT daimi şurasının rəhbəri Pol Eberxarda müraciət göndərib.

Azərbaycanın BMT-də və ATƏT-dəki daimi nümayəndələri bu təşkilatların üzvü olan dövlətlərə ermənilərin təxribatlarının davam etməsi haqqında əlavə məlumat verib.

Müraciətlərdə erməni tərəfin aprelin 5-də Moskvada hər iki ölkənin SQ baş qərargah rəisləri arasında imzalanmış atəşkəs sazişini pozmasına diqqət çəkib.

Ermənistanın qoşunların təmas xəttinə əlavə hərbi qüvvə və silahlar cəlb edərək, cəbhə xəttinə yaxın ərazilərdə yaşayan azərbaycanlı mülki əhalini ağır artilleriya və iri çaplı silahlardan atəşə tutduğu qeyd edilib.

Məktubda nazir Elmar Məmmədyarov Ermənistan silahlı qüvvələrinin təxribatçı əməllərinin ATƏT-in Minsk Qrupunun münaqişənin həlli istiqamətində göstərdiyi diplomatik səylərə zərbə vurduğunu xüsusilə qeyd edərək, beynəlxalq ictimaiyyəti Ermənistanı beynəlxalq hüququnun norma və prinsiplərini, həmçinin 5 aprel tarixində əldə edilmiş atəşkəsi pozduğu üçün kəskin qınamağa, sözügedən atəşkəs ilə bağlı üzərinə götürdüyü öhdəliklərə tam əməl etməyi və öz silahlı qüvvələrini Azərbaycanın işğal olunmuş ərazilərindən çıxarmağı tələb etməyə çağırıb. -06D-