Moskva Serj Sarkisyanı danışıqlar prosesindən imtina etməməyə çağırıb

Dağlıq Qarabağ ətrafında vəziyyət təmkinlik tələb edir. Əsas məsələ ondan ibarətdir ki, təcavüzün növbəti dəfə alovlanmasına yol verilməsin. Bu barədə RF XİN rəsmi nümayəndəsi Mariya Zaxarova çərşənbə günü  keçirdiyi brifinqdə bildirib. 

“Hazırda Dağlıq Qarabağda baş verənlər bizim əvvəlki brifinqlərdə söylədiyimiz tezisi bir daha təsdiqləyir. Belə ki, indi heç zaman olmadığı qədər təmkinlik və işi sabitliyin bərpasına doğru aparmaq tələb olunur”, - o vurğulaylb.

Onun sözlərinə görə, RF XİN əmindir ki, “dayanıqlı dinc nizamlanmaya nail olunmasına yönələn danışıqlar prosesi bərpa  edilməlidir”.

“Hesab edirik ki, əldə olunmuş razılaşmalar əsasında hərbi risklərin azaldılması üzrə işlər bərpa olunmalıdır” , - o əlavə edib.

“Hazırda əsas vəzifə sözsüz ki, vəziyyətin səngiməsi, zorakılığa, yeni qan tökülməsinə yol verilməməsi, vəziyyətin sakitləşməsinə və danışıqlar prosesinin başlanmasına yönələn atmosferin yaradılmasıdır”,-  M.Zaxarova vurğulayıb.

Qeyd edək ki, ötən gün axşam RF XİN rəhbəri Serger Lavrov erməni həmkarı Edvard Nalbandyanla telefonla danışıb. Söhbətin  mövzusu Qarabağ münaqişəsinin nizamlanması və atəşkəs rejiminə əməl edilməsinin vacibliyi olub.

Aprelin 26-da səhər Ermənistan prezidenti Serj Sarkisyanın “Bloomberg” agentliyinə müsahibəsi dərc edilib. Belə ki, o, danışıqlar prosesindən imtina edərək bəzi şərtlər söyləyib ki, bəlkə bundan sonra danışıqları bərpa etmək mümkün olsun.

Görünür, Sarkisyana çatdırıblar ki, indi Yerevanın şərt irəli sürməsinin yeri deyil və M.Zaxarovanın bugünkü bəyanatı da bunu təsdiqləyir.02D-