Azərbaycan XİN Uorlikin bəyanatını müsbət qiymətləndirir

Ermənistan silahlı qüvvələri işğal edilmiş ərazilərdən çıxarılarsa, bir çox problemlər həll edilə bilər, bu barədə cümə axşamı Azərbaycan XİN rəhbəri Elmar Məmmədyarov ATƏT MQ-nin Amerikalı həmsədri Ceyms Uorlikin dünənki çıxışını şərh edərkən bildirib.

O təsdiq edib ki, Uorlikin irəli sürdüyü münaqişənin 6 nizamlanma elementi hələ 2009-cu ildə razılaşdırılıb və yenilənmiş Madrid prinsiplərinin əsasında durur.

“Azərbaycan uzunmüddətli sülhə nail olmaq üçün bu prinsiplər üzərində işləməyə hazırdır”, deyən nazir Uorlikin çıxışını “müsbət” qiymətləndirib.

 Məmmədyarov qeyd edib ki, Azərbaycanın ərazi bütövlüyü müzakirə obyekti deyil və sülh sazişi region üçün əlavə iqtisadi imkanlar açacaq, insanlara doğma torpaqlara qayıtmaq imkanı verəcək və Ermənistanı təcriddən xilas edəcək.

O təsdiq edib ki, tənzimlənmə çərçivəsində regionda sülhməramlı qüvvələr yerləşdirilməlidir.

Xatırladaq ki, Vaşinqtonda Karnegi İnstitutunda çıxış edən Uorlik qeyd edib ki, münaqişənin tənzimlənməsi Dağlıq Qarabağı yekun hüquqi statusunun qarşılıqlı razılaşdırma və hüquqi qüvvəsi olan iradə bildirilməsi yolu ilə müəyyən edilməsini nəzərdə tutur.

Bundan başqa, Dağlıq Qarabağa təhlükəsizliyin və özünüidarənin təmin edilməsi üçün keçmiş DQMV-nin sərhədləri daxilində aralıq status verilməlidir.

Dağlıq Qarabağ ətrafında ərazilər Azərbaycanın nəzarəti altına qaytarılmalıdır. Həmçinin, Ermənistanı Dağlıq Qarabağla birləşdirən, təhlükəsiz keçidi təmin edən, amma bütün Laçın rayonunu əhatə etməyən dəhliz olmalıdır. Qaçqınlar əvvəlki yaşayış yerlərinə qaytarılır və sülhün qorunub saxlanması üzrə əməliyyat həyata keçirilir. -02D-