Azərbaycanda Süleymaninin ölümünə reaksiya
Bakı/04.01.19/Turan: ABŞ hərbçilərinin İslam İnqilabı Keşikçiləri Korpusunun “Qüds” xüsusi təyinatlı bölməsinin komandiri Qasım Süleymaninin məhv edilməsi Azərbaycanda müxtəlif reaksiya doğurub.
Şiə islam qruplaşmalarının nümayəndələri generalın ölümündən kədərlənirlər. Facebook və Watsapp-da Süleymani haqda hüznlü videoçarxlar paylaşılır, başsağlığı mesajları dərc edilir və düşmənlərdən qisas almaq ümidləri yayımlanır.
Dini Etiqad və Vicdan Azadlıqlarının Müdafiə Mərkəzinin (DEVAMM) rəhbəri İlqar İbrahimoğlu Facebook səhifəsində yazıb ki, Süleymani şəhid olub. O, islam ümmətinə dərin hüznlə başsağlığı verib.
“Böyük əminliklə bildiririk ki, bu pak şəhid qanı islam ümmətinin daha da bəsirətləşməsinə və düşmənin məglubiyyətinə gətirib çıxaracaq, İnşəAllah”, - o qeyd edib.
Eyni zamanda liberal əhval-ruhiyyəli istifadəçilər xatırladırlar ki, Süleymani ilə birlikdə məhv edilən Əbu Mehdi əl-Muhandis əvvəllər Azərbaycanı İraq və Suriyadakı iranpərəst qüvvələri bombalamaq üçün İsrail ilə əməkdaşlıqda günahlandırmışdı.
Sosial şəbəkələrdəki istifadəçilərin çoxu Süleymaniyə matəm tutanlarla razı deyil. Belə ki, ekspert Nəzakət Məmmədova sualla müraciət edir: “ Süleymani Qarabağda şəhid olub? Əgər Azərbaycan savaşa başlasa, Ermənistana kömək edəcək, bizə arxadan zərbə vuracaq ilk dövlət İran olacaq”, - o, Facebook səhifəsində yazıb.
İran islamın müdafiəsi ilə məşğul deyil. Əslində Yaxın Şərqdə İran və ABŞ arasında təsir dairəsi uğrunda mübarizə gedir.
İnternetdə sosial şəbəkələrdə müzakirələr fonunda rəsmi Bakı hələlik heç bir reaksiya bildirməyib. Qafqaz Müsəlmanları İdarəsinin rəhbəri şeyxülislam Allahşükür Paşazadə də susur.06D-
-
- Cəmiyyət
- 4 Yanvar 2020 11:59
-
- Sual-cavab
- 4 Yanvar 2020 15:23
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz