Azərbaycanın �Milli Boat" layihəsi ADEX-də
Bakı/26.09.18/Turan: Azərbaycanda kod adı Milli Boat olan dörd xüsusi təyinatlı sürətlə hərəkət edən gəmi modelinin yaradılmasına dair layihə hazırlanıb. Bu barədə Turan agentliyinə Bakıda keçirilən ADEX beynəlxalq müdafiə sərgisində məlum olub.
5 ildir fəaliyyət göstərən Caspian Ship Building Company (CSBC) şirkətinin beynəlxalq əlaqələr üzrə meneceri Qalib Əliyev Turan ilə söhbətində layihənin detallarını açıqlayıb. Layihə aşağıdakı gəmi modellərinin yaradılmasını nəzərdə tutur: - 14 metrlik MB-FAB14 kateri (FAB - fast attack boat, yəni, çevik hücum edən gəmi) maksimal sürəti 55 düyün (dəniz üçün yüksək göstərici). Burada 4-6 nəfər yerləşə bilər; 17 metrlik MB-FAB17 kateri. Sürəti 70 düyün və daha çox artırmaq olar. İndiyədək postsovet məkanında və Xəzərdə olmayıb. Bu katerdə 12 nəfər yerləşə bilər; 28 metrlik MB-FPB28 gəmisi (fast patrol boat - operativ patrul), sürəti 45 düyünə qədər. Hərbi məqsədlərlə və sərhəd sahil mühafizəsi üçün istifadə etmək olar; 35 metrlik MB-FPB35 gəmisi, sürəti 45 düyünə qədər, bortu 35 yerlikdir. Patrul üçün nəzərdə tutulub. Təqdim edilən gəmilərin hər biri müxtəlif növ silahlarla təchiz edilə bilər (müştərinin sifarişi ilə). Layihə azərbaycanlı mütəxəssislər tərəfindən hazırlanıb.
CSBC həmin gəmilərə dövlət sifarişini gözləyir və 2019-cu ildə Türkandakı tərsanədə onların inşasına başlamağa ümid edir. Mühərriklər və bəzi ehtiyat hissələri Avropadan alınacaq. Ancaq mümkün qdər Azərbaycanın öz imkanlarından istifadə olunması nəzərdə tutulur. Sözügedən modellərin pilot gəmiləri artıq var. Onlar Xəzərin Azərbaycan akvatoriyasında sınaqdan keçirilib. Orta hesabla qabaritlərdən asılı olaraq gəminin yaradılması 8-10 ay, seriya istehsalı üzrə 2-3 ay davam edə bilər.
Gəmilər rahat şəkildə vətəndaşların ehtyaclarının ödənilməsi və turistik məqsədlər üçün istifadə oluna bilər.
RF və İran CSBC-nin debüt təqdimatı ilə dərhal maraqlanıblar.
Qeyd edək ki, CSBC Xəzər dənizi regionunda ən müasir gəmidüzəltmə və gəmi təmiri zavodudur. Müəssisənin fəaliyyəti Azərbaycanın gəmi idxalından asılılığının aradan qaldırılmasına, eləcə də artıq mövcud donanmanın modernləşdirilməsinə yönəlib. Zavod müxtəlif növ dəniz obyektlərini - dəniz dayaq blokları, yük gəmiləri, buksirlər, kran gəmiləri, ixtisaslaşmış gəmilər, sərnişin gəmiləri, tankerlər inşa etmək qadirdir. Müəssisənin gücü ildə 25 000 ton polad konstruksiyadır.-0-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz