Açiq mənbələrdən foto.
Bakı/18.12.20/Turan: Azərbaycanlıların hazırkı Ermənistan dövlətinin ərazisindən tam deportasiyasından 32 il ötür.
Son deportasiya zamanı Ermənistanda 8 min kvadrat kilometr ərazidə (172 yaşayış məntəqəsi) yaşayan azərbaycanlılar öz yurdlarından qovulub.
1988-ci ilin noyabr-dekabr aylarında Ermənistan ərazisində yaşayan 182.000 azərbaycanlı (rəqəm BMT-nin Qaçqınlar üzrə Ali Komissarlığınındır), 18.000 kürd və min nəfər rus (rəqəmlər Azərbaycan Respublikası keçmiş Ali Sovetinin Qaçqınlar üzrə Komissiyasınındır) zorla daimi yaşayış yerlərindən deportasiya edilib.
Keçmiş SSRİ Daxili İşlər Nazirliyinin azərbaycanlıların Ermənistandan deportasiyası ilə bağlı qaldırdığı və istintaqı yarımçıq qalmış cinayət işinin materiallarında deyilir ki, Ermənistan tərəfindən həyata keçirilən deportasiya zamanı 216 azərbaycanlı qətlə yetirilib; o cümlədən 2 nəfərin diri-diri başı kəsilib, 11 nəfər diri halda, 2 nəfər öldürüldükdən sonra yandırılıb, 1 nəfər asılıb, 3 nəfər doğranıb, 29 nəfər maşın təkərləri altında qoyulub, 41 nəfər döyülərək öldürülüb, 49 nəfər dağlarda donub, 1 nəfər elektrik cərəyanına qoşularaq öldürülüb, 1 nəfər özünü öldürüb, 10 nəfər infarktdan ölüb, 8 nəfər itkin düşüb. Öldürülənlərin 57-i qadın, 23-ü uşaqdır.
Tarixi məlumatlara görə, indiki Ermənistan ərazisində yaşamış azərbaycanlıların deportasiya tarixi 1820-1988-ci illik bir dövrü əhatə edir.
XX əsrdə Ermənistan ərazisindən azərbaycanlıların kütləvi deportasiya əməliyyatı - 1905, 1918-1920, 1948-1956, 1987-1988-ci illər adlı - dörd mərhələyə bölünür. Statistik və arxiv sənədlərində təsdiq olunduğuna görə, bu əməliyyatlar nəticəsində indiki Ermənistan ərazisində yaşayan bir milyon beş yüz mindən çox azərbaycanlı tarixi torpaqlarından qovulub.
Ermənistan Sovet Respublikası qurulduqdan sonra burada azərbaycanlıların yaşadığı 940 yaşayış məntəqəsindən 698-nin adı Ermənistan Ali Sovetinin qərarı ilə dəyişdirilərək erməni adları ilə əvəz olunub.
Ad dəyişmə əməliyyatı azərbaycanlılar bu respublikanın ərazisindən tam deportasiya edildikdən sonra da davam etdirilib. Ermənistanın keçmiş prezidenti Levon Ter-Petrosyanın 1991-ci il 9 aprel tarixli fərmanı ilə azərbaycanlıların yaşadıqları son 91 məntəqənin adı dəyişdirilərək erməni adları ilə əvəz edilib.-03B-
Siyasət
-
Ermənistanın keçmiş prezidenti Levon Ter-Petrosyanın 1993-cü ildə etdiyi çıxışın video görüntüləri yayımlandıqdan sonra Azərbaycan icmasının sərt tənqidinə səbəb olub. Ermənistan dövlətini etnik təmizləmə siyasətinə dəstək verməkdə ittiham edən icma, bu çıxışın Ermənistanın mövcud ərazisi olan Qərbi Azərbaycan İcmasının bəyanatına əsasən, azərbaycanlılara qarşı dərin köklü düşmənçiliyi və siyasətləri vurğuladığını qeyd edib.
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
Rəy yaz