Bakı Azərbaycan İnsan Hüquqları Evini qeydiyyata almağa çağırılır

İnsan Hüquqları Evi Fondu rəsmi Bakını öhdəliklərini yerinə yetirməyə və fondun Azərbaycan bölməsini qeydiyyata almağa çağırıb.

“Biz Azərbaycan hakimiyyətini 2014-cü ilin mayında Avropa Şurası Nazirlər Şurasında sədrliyi öz üzərinə  götürməzdən əvvəl  Azərbaycan İnsan Hüquqları Evinin ofisinin yenidən açılmasına imkan verilməsinə çağırırıq”, - Fondun icraçı direktoru Maria  Dale bu təşkilatın Azərbaycanda fəaliyyətinin dondurulmasının üçüncü ildönümü ilə bağlı ötən gün yaydığı məlumatda bildirib.  

2011-ci il martın 10-da Azərbaycan İnsan Hüquqları Evinə hakimiyyətlə razılaşma əldə olunana qədər ölkədə bütün fəaliyyət növünü dayandırmaq barədə göstəriş verilib. Üç il ötməsinə baxmayaraq, Azərbaycanda İnsan Hüquqları Evi əvvəlkitək bağlıdır.

“Azərbaycan hakimiyyəti Avropa Şurası üzvləri tərəfindən təsdiqlənmiş və fundamental hüquq sayılan birləşmə azadlığının məhdudlaşdırılması üçün öz qanunvericiliyindən istifadə edir”, - Mariya Dale bildirib.

Azərbaycan İnsan Hüquqları Evi 2007-ci ildə İnsan Hüquqları Evi Fondunun beynəlxalq bölməsi kimi qeydiyyatdan keçib. Qeydiyyat Azərbaycan Respublikasının qanunvericiliyinə uyğun olaraq baş tutub.

Azərbaycan İnsan Hüquqları Evi 2011-ci il martın  10-dək hesabatlar təqdim edib və Azərbaycan qanunvericiliyinin hər hansı bir bəndini pozması barədə  bildiriş almayıb. Hakimiyyət 2011-ci ildə Evin bağlanması üçün  bəhanə kimi 2009-cu ildə QHT-lər haqqında qanuna yeni düzəlişlərdən istifadə edib.

2011-ci ilin oktyabrında Venesiya Komissiyası bildirib ki, QHT haqqında qanunvericilik və xarici QHT-lər üçün yeni tələbləri müəyyən edən  2011-ci il mart fərmanı beynəlxalq standartlara cavab vermir. Belə ki, xarici QHT-lər və milli hakimiyyət orqanları arasında  ikitərəfli razılaşma barədə tələblər özü şübhəlidir və razılaşmanın şərtləri aydın göstərilməyib.
Avropa Şurasının insan hüquqları üzrə komissarı 6 avqust 2013-cü il məruzəsində qeyd edib ki,  QHT haqqında qanuna yeni düzəlişlər onların Azərbaycanda fəaliyyətini daha da məhdudlaşdırır. Hakimiyyət qeydiyyat qaydalarının sadələşdirilməsi, bürokratik əngəllərin aradan qaldırılması yolu ilə assosiasiya azadlığına əməl edilməsinin təmin olunmasına çağırılıb.

İnsan Hüquqları Evi Fondu xatırladır ki, BMT İnsan Hüquqları Şurası 2013-cü ilin martında qətnamə qəbul edib. Sənəddə qeyd olunur ki,  hüquq müdafiəçilərinə təsir göstərən bütün hüquqi müddəalar  aydın müəyyən edilməlidir və geriyə qüvvəsi olmamalıdır. İstənilən  məhdudiyyət mütənasib, demokratik cəmiyyət üçün zəruri olmalıdır. -0 -
 

Rəy yaz

Siyasət

Чего добивается Россия в Армении, и что обещали Еревану на трехсторонней встрече в Брюсселе? - беседа с Тиграном Хзмаляном в программе "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Bizi sosial şəbəkələrdə izləyin

Xəbər lenti