Məhkəmə “Abzas Media”nın jurnalistlərinin vəsatətlərinin əksəriyyətini təmin etməyib (yenilənib)

Çərşənbə axşamı “Abzas Media işi” üzrə prosesdə müdafiə tərəfi bəzi vəsatətlər qaldırıb, məhkəmə bunlardan yalnız birini təmin edib – müttəhimin müdafiəçinin yanında oturmasına icazə verib.

Eyni zamanda, cinayət işinə xitam verilməsi, işin əlavə istintaqa qaytarılması və həbs qətimkan tədbirinin ev dustaqlığı ilə dəyişdirilməsi barədə vəsatətlər təmin edilməyib.

Məhkəmə həmçinin jurnalistlərin prosesə buraxılması və dinləmələrin videoçəkilişinin aparılması barədə vəsatəti təmin etməyib. Mahiyyəti üzrə məhkəmə dinləmələri 28 dekabra  təyin edilib.

Jurnalistlərin yaxınları bildiriblər ki, onlar bütün ittihamları rədd ediblər və ruh yüksəkliyini qoruyurlar. Təqsirləndirilən jurnalist Hafiz Babalı hakim Rasim Sadıqovu siyasi sifarişi yerinə yetirməməyə və işə obyektiv baxmağa çağırıb.

Qərb dövlətlərinin bəzi sıra səfirliklərinin nümayəndələri prosesi prosesi müşahidə ediblər.

* * *

Hakimiyyət “Abzas Media”nın jurnalistlərinin məhkəməsini qapalı keçirmək qərarına gəlib?

Dekabrın 17-də Bakı Ağır Cinayətlər Məhkəməsində “Abzas Media işi” üzrə hazırlıq iclası başlayıb. Lakin jurnalistləri prosesə buraxmayıblar.

Məhkəmədən Turan-ın sorğusuna cavab olaraq bildiriblər ki, zalda yer yoxdur və jurnalistlər Məhkəmə-Hüquq Şurasına şikayət edə bilər. Lakin müttəhimlərin bəzi qohumları da daxil olmaqla, bir qrup şəxsi zala buraxıblar.

*2023-cü ilin noyabr - 2024-cü ilin yanvar aylarında “Abzas Media”nın rəhbərləri və əməkdaşları - Ülvi Həsənli, Sevinc Vaqifqızı, Məhəmməd Kekalov, Nərgiz Absalamova və Elnarə Qasımova, həmçinin araşdırmaçı- jurnalist, Turan agentliyinin əməkdaşı Hafiz Babalı həbs ediliblər. May ayında "Azadlıq"radiosunun əməkdaşı, iqtisadçısı Fərid Mehralızadə eyni iş üzrə həbs olunub.

Əvvəlcə onları Cinayət Məcəlləsinin 206.3.2-ci maddəsilə (qabaqcadan əlbir olan bir qrup şəxs tərəfindən qaçaqmalçılıq) ittiham ediblər. Lakin avqustun 16-19-da ittihamlar sərtləşdirilib: Cinayət Məcəlləsinin 192.3.2 (külli miqdarda gəlir əldə etməklə qanunsuz sahibkarlıq); 193-1.3.1 və 193-1.3.2 (mütəşəkkil qrup tərəfindən cinayət gəlirlərinin leqallaşdırılması); 206.4 (mütəşəkkil qrup tərəfindən qaçaqmalçılıq); 320.1 və 320.2 (sənədlərin saxtalaşdırılması və saxta sənədlərdən istifadə) və 213.2.1-ci (qrup tərəfindən vergidən yayınma) maddələri.

Bu ittihamlar 12 ilə qədər həbs cəzasını nəzərdə tutur. Jurnalistlər bütün ittihamları rədd edərək bildirirlər ki, hakimiyyətin ən yüksək eşelonlarında korrupsiya faktlarını araşdırdıqlarına görə təqib olunurlar.

Hüquq müdafiəçiləri onları siyasi məhbuslar kimi tanıyıblar. Bir çox beynəlxalq jurnalist və hüquq-müdafiə təşkilatı bu ittihamları uydurma adlandırıblar və dəfələrlə onların azad edilməsinə çağırıblar.

* * *

Beynəlxalq təşkilatlar “Abzas Media”nın jurnalistlərini azad etməyə çağırıblar

Amnesty International və "Sərhədsiz peportyorlar" daxil olmaqla, bir sıra beynəlxalq hüquq-müdafiə təşkilatlı “Abzas Media”nın jurnalistlərinin işi üzrə məhkəmə ərəfəsində jurnalistlərin azad edilməsinə çağırıb.

Amnesty International diplomatları və beynəlxalq ictimaiyyəti məhkəmə prosesində iştiraka çağırıb.

Öz növbəsində, “Azadlıq/Azad Avropa” radiosunun rəhbəri Stiv Kapus "Azadlıq" radiosunun Azərbaycan xidmətinin əməkdaşı, iqtisadçı,“Abzas Media” işi üzrə müttəhim Fərid Mehralızadənin azadlığa buraxılmasına çağırıb.

“Fərid Azərbaycan iqtisadiyyatının mənfi reallıqları haqqında yazdığı üçün cəzalandırılıb. Azərbaycan yalan məhkəməyə son qoymalı, Fəridin ailəsinə qovuşmasına imkan verməlidir", - "Azadlıq"  radiosunun rəhbərinin bəyanatında deyilir.

*2023-cü ilin noyabr – 2024-cü ilin yanvar aylarında “Abzas Media”nın rəhbərləri və əməkdaşları - Ülvi Həsənli, Sevinc Vaqifqızı, Məhəmməd Kekalov, Nərgiz Absalamova və Elnarə Qasımova, həmçinin araşdırmaçı- jurnalist, Turan agentliyinin əməkdaşı Hafiz Babalı həbs ediliblər. May ayında "Azadlıq"radiosunun əməkdaşı, iqtisadçısı Fərid Mehralızadə eyni iş üzrə həbs olunub.

Əvvəlcə onları Cinayət Məcəlləsinin 206.3.2-ci maddəsilə (qabaqcadan əlbir olan bir qrup şəxs tərəfindən qaçaqmalçılıq) ittiham ediblər. Lakin avqustun 16-19-da ittihamlar sərtləşdirilib: Cinayət Məcəlləsinin 192.3.2 (külli miqdarda gəlir əldə etməklə qanunsuz sahibkarlıq); 193-1.3.1 və 193-1.3.2 (mütəşəkkil qrup tərəfindən cinayət gəlirlərinin leqallaşdırılması); 206.4 (mütəşəkkil qrup tərəfindən qaçaqmalçılıq); 320.1 və 320.2 (sənədlərin saxtalaşdırılması və saxta sənədlərdən istifadə) və 213.2.1-ci (qrup tərəfindən vergidən yayınma) maddələr.

Bu ittihamlar 12 ilə qədər həbs cəzasını nəzərdə tutur. Jurnalistlər bütün ittihamları rədd edərək bildirirlər ki, hakimiyyətin ən yüksək eşelonlarında korrupsiya faktlarını araşdırdıqlarına görə təqib olunurlar. Hüquq müdafiəçiləri onları siyasi məhbuslar kimi tanıyıblar. Bir çox beynəlxalq jurnalist və hüquq-müdafiə təşkilatı dəfələrlə onların azad edilməsinə çağırıblar.