Ədliyyə Nazirliyi Azərbaycan Demokratiya və Rifah (ADR) Hərəkatını qeydiyyata almaqdan bir daha imtina edib.
ADR-in mətbuat xidmətinin məlumatına görə, Ədliyyə Nazirliyindən hərəkata daxil olan məktubda dövlət qeydiyyatından imtinanın səbəbi kimi qurumun nizamnaməsində onun (nizamnamənin) qəbulu, əlavə və dəyişikliklər edilməsi qaydalarının olmaması göstərilib.
ADR Hərəkatının İcra Aparatının təşkilatı məsələlər üzrə department rəhbəri Rövşən Dəmirli bildirib ki, əgər Qanunun bu tələbinə əməl edilməyibsə niyə sənədləri birinci və yaxud ikinci dəfə geri qaytaranda həmin irad bildirilməyib?
“Artıq üçüncü dəfə əsassız olaraq göstərilən iradlar onu deməyə əsas verir ki, bütün bunlar Hərəkatı qeydiyyata almamaq üçün bəhanədir. Bu qərar hüquqi deyil, siyasi müstəvidə verilib. Ona görə də ADR Hərəkatı bundan sonra təkrar Ədliyyə Nazirliyinə deyil, məhkəməyə müraciət edəcək”, o qeyd edib.
Rövşən Dəmirli deyib ki, ölkədə fəaliyyət göstərn yerli məhkəmlərin ədadlətsiz qərarı olarsa, onndan Avropa Məhkəməsinə şikayət ediləcək. -03D-
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz