Bakı/03.05.17/Turan: 4-6 may tarixlərində Bakıda onlarla ölkədən qonaqların iştirakı ilə 4-cü Mədəniyyətlərarası Dialoq Forumu keçiriləcək. Forumun qonaqları arasında Malinin prezidenti İbrahim Bubakar Keyta, Bolqarıstanın vitse-prezidenti İlyana Yotova, YUNESKO-nun baş direktoru İrina Bokova, İSESKO rəhbəri Əbdüləzizi bin Osman əl-Tüveycri, İƏT baş katibi Yusif bin Əhməd əl-Usaymin, QİƏT baş katibi Mayk Kristides və başqaları var. Bu barədə Azərbaycan Mədəniyyət və Turizm Nazirliyinin məlumatında deyilir.
Forum çərçivəsində insan təhlükəsizliyi, sabit inkişaf, miqrasiya, mədəniyyətlərarası və dinlərarası dialoq, ekstremizmə qarşı mübarizə, qaçqınlara və mühacirlərə qarşı münasibət, mədəniyyətlərarası dialoqda gənclərin və təhsilin rolu, ərzaq təhlükəsizliyi mövzusunda sessiya və tədbirlər keçiriləcək.
Bakıda ilk belə forum 2008-ci ildə Azərbaycan rəhbərliyinin təşəbbüsü ilə keçirilib. -02D-
Siyasət
-
Son zamanlar Azərbaycan-Qərb münasibətləri tez-tez müzakirə olunur. Münasibətlərdə gərginlik hiss olunur, rəsmi şəxslər tərəfindən müxtəlif ittihamlar səslənir. Bəzi ekspertlər hesab edir ki, Azərbaycanın yeni vektorunda Qərbə yer yoxdur, əksinə ölkə siyasi müstəvidə Rusiyaya daha da yaxınlaşır. Hətta Ermənistanla-Azərbaycan arasında sülh müqaviləsinin da Rusiyaya görə imzalanmaması, rəsmi Bakının mövqeyi məhz Moskva ilə uzlaşdırması fikirləri səslənir.
-
Noyabrın 28-də Tbilisi Şəhər Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması barədə qərar qəbul edib. Sadıqov həbsinə etiraz olaraq 69 gündür aclıq edir.
-
Azərbaycan Xalq Cənhəsi Partiyasının lideri Əli Kərimli internet blokadasının gücləndiyini bildirib.
-
Noyabrın 27-də Xətai Rayon Məhkəməsində müdafiə tərəfin 1 saylı Bakı İstintaq təcridxanasında saxlanılan Toplum TV nəşrinin təsisçisi Ələsgər Məmmədlinin ev dustaqlığına buraxılması haqqında vəsatəti ilə bağlı onlayn iclas keçirilib.
Rəy yaz