![Kanal 13 qarşı profilaktika](https://turan.az/resized/750/500/resize/media/2017/main/050300001028.jpg)
Kanal 13 İnternet Televiziyasının rəhbəri Əziz Orucov dünən xarici görünüşü kiminləsə “dəyişik” salınaraq saxlanılıb. Amma məlum olanda ki, Əziz bəyin xarici görünüşü aldadıcı təsəvvür yaradıb və axtarışda olan adam deyil. Lakin bənzərlik düz çıxmasa da adamı buraxmayıblar, kiməsə oxşarlığına görə Nəsimi rayon məhkəməsinə aparılıb beynəlxalq mətbuat günü ərəfəsində televiziya rəhbərinə bir ay inzibati həbs cəzası veriblər. Bu da DİN orqanlarının daha bir heyrətamiz yeniliyidir. Onlar ölkənin hüquq sistemini nəzəri və praktiki nümunələrlə demək olar ki, hər gün zənginləşdirirlər.
Dörd il öncə bloger Mehman Hüseynovun qeyri-qanuni müsadirə edilmiş şəxsiyyət vəsiqəsi beynəlxalq mətbuat günü ərəfəsində rayon polis idarəsinin rəisi tərəfindən saxlandığı cəzaçəkmə müəssisəndə “təntənəli” şəkildə ona təqdim edilib. Bu məzhəkənin səhəri televiziya rəhbəri olan jurnalist kiməsə oxşadığına görə DİN orqanları tərəfindən saxlanılıb və bu oxşarlığa görə bir ay inzibatı cəza alıb. Gərək DİN axtarışda olan vətəndaşların şəkillərini çoxaldıb paylaşsın ki, insanlar da onlara oxşar bir şeylər varsa həmin oxşarlığı küçəyə-bacaya çıxmazdan öncə aradan qaldırıb ictimaiyyət arasına çıxsınlar. Əks təqdirdə axtarışda olan adamlara çoxları bənzəyə bilər. Bu bənzərliyə görə Əziz Orucova 30 sutka inzibati cəza veriblər.
İndi Əziz müəllimin həbsinin səbəbləri ilə bağlı çoxlu versiyalar irəli sürülür. Bunu özlərinin efir məkanı olmayan QHT-lərə, ictimai birliklərə, hüquq müdafiəçilərinə, gənclər təşkilatının təmsilçilərinə söz demək imkanı yaratmaqla izah edənlər də var. Lakin Əziz Orucov bunların heç birinə görə axtarışda olan adama “bənzədilməyib”. Zatən bu işləri o, çoxdan görür və bu maarifçilik xidmətlərinə görə heç vaxt axtarışda olan birisinə də “bənzədilməyib”. Kanal 13 məhz aprel ayının 8-də Milli Şuranın mitinqini əvvəldən axıra qədər canlı nümayiş etdirdiyi üçün onun rəhbəri Əziz Orucov da polis gözünə axtarışda olan adam bənzərində görünüb və bu bənzərliyə görə 30 sutka inzibatı həbs cəzası alıb. Axı, son bir necə həftədir bütün respublika miqyasında mitinq sonrası profilaktika işləri aparılır.
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz