Bakı/22.09.22/Turan: Avropa Siyasi Birliyinin Praqada keçiriləcək iclasında Türkiyə və Ermənistan liderlərinin görüşü mümkündür. Bunu jurnalistlərə Türkiyə prezidenti Ərdoğan Nyu-Yorkda keçirdiyi brifinqdə deyib.
“Çexiyaya səfər etmək qərarına gəlsək, o zaman Ermənistanın baş naziri Nikol Paşinyan da orada olacaq. Erməni tərəfi bundan əvvəl də bu platformada mümkün görüş barədə danışıb. Ola bilsin, bizim orada bütün bu məsələləri müzakirə etmək imkanımız olacaq.
Təbii ki, bizim Qafqazda da müəyyən təşəbbüslərimiz olacaq. Hazırda o, hələ planlaşdırma mərhələsindədir. Mən bu məsələləri qardaşım İlham Əliyevlə müzakirə edəcəyəm və bundan asılı olaraq addımlar atacağıq”, - deyə Ərdoğan bildirib.
* Oktyabrın 6-7-də Aİ-nin qeyri-rəsmi sammitindən əvvəl Avropa Siyasi Birliyinin ilk iclası oktyabrın 6-da Praqada keçiriləcək.
Onun əsas məqsədi Avropa qitəsi üçün ümumi maraq kəsb edən strateji məsələlərI müzakirə etməkdir.
Bu Ukrayna hadisələri, enerji böhranı və iqtisadi vəziyyət olacaq.
İclasda Aİ üzvləri ilə yanaşı, Ukrayna, Moldova, Gürcüstan, Türkiyə, Ermənistan və Azərbaycan liderlərinin də iştirakı gözlənilir. -0-
Siyasət
-
Gürcüstanda istintaq təcridxanasında aclıq aksiyası keçirən Azərbaycanın Azel.Tv saytının rəhbəri Əfqan Sadıqovun səhhətinin vəziyyəti gündən günə pisləşir. İki həftəlik aclıq aksiyası ərzində onun çəkisi 91 kq-dan 76 kq-dək azalıb. Bu barədə Turana onun həyat yoldaşı Sevinc Sadıqova jurnalistlə oktyabrın 4-də istintaq təcridxanasında görüşdükdən sonra bildirib Turan-a bildirib.
-
Oktyabrın 3-də Parisdə Fransa prezidenti Emmanuel Makron ilə Ermənistanın baş naziri Nikol Paşinyanın görüşü olub. Fransa prezidentinin mətbuat xidmətinin məlumatında deyilir ki, Makron Ermənistanın suverenliyinin və ərazi bütövlüyünün, həmçinin erməni xalqının sülh və demokratiya səylərinin dəstəklənməsində Fransanın əzmli olduğunu təsdiqləyib.
-
Avropa İttifaqının Ermənistandakı monitorinq missiyasının Rusiya və İrana qarşı kəşfiyyatla məşğul olması ilə bağlı Rusiya Federal Təhlükəsizlik Xidmətinin direktoru Bortnikovun şərhləri "Ermənistan qarşısındakı öhdəliklərin və verilən vədlərin dəfələrlə yerinə yetirilməməsini ört-basdır etməyə çalışan Rusiya rejiminə xas olan tamamilə cəfəngiyyat, yalan və manipulyasiyadır". Bu barədə Avropa İttifaqı Xarici Siyasət Xidmətinin nümayəndəsi Piter Stano Astanada MDB ölkələri təhlükəsizlik orqanları rəhbərlərinin toplantısında Bortnikovun bugünkü çıxışını şərh edərkən bildirib.
-
113 gündür həbsdə aclıq edən iqtisadçı Fazil Qasımovun hərarəti dünəndən 39 dərəcə olaraq qalır. Bu barədə cümə günü yaxınları Penitensiar Xidmətin müalicə müəssisəsində ona baş çəkdikdən sonra Turan-a bildiriblər.
Rəy yaz