Ermənistan hava sahəsini Türkiyə təyyarələri üçün açır

Bakı/27.12.20/Turan: Türkiyə və Azərbaycan Ermənistanı hava məkanını mülki hava nəqliyyatı üçün açmağa məcbur edib, - deyə avia.pro bildirir.

Agentliyin məlumatına görə, dekabr 27-də səhər Türk Hava Yollarının Bakı ilə İstanbul arasında Ermənistanın hava məkanından faktiki tarixi uçuşu baş tutub. İlkin məlumatlara görə, Yerevan bu cür uçuşlar üçün hava sahəsini açmaq məcburiyyətində qalıb.

Rəsmi şərhlərin olmamasına baxmayaraq, mütəxəssislər Azərbaycan və Türkiyənin Ermənistana ölkənin hava sahəsindən mülki uçuşlara icazə verilmədiyi təqdirdə Rusiya təyyarələrinin də Qarabağ və Ermənistana uçuşlar həyata keçirmək üçün hava məkanından istifadə etməsinə icazə verilməyəcəyinə birmənalı şəkildə eyham vurduğunu ehtimal edirlər.

Agentlik bildirir ki, açıq qarşıdurma səbəbindən Ermənistan Azərbaycan və Türkiyənin mülki təyyarələrini hava məkanına buraxmırdı, lakin çox güman ki, yaxın gələcəkdə bu cür uçuşlar adi hala çevriləcək, çünki əks təqdirdə Rusiyadan humanitar və hərbi yardımlar İranın hava məkanından keçməklə çatdırılacaq və bu çox ciddi bir səbəbdir. -0-