Açiq mənbələrdən foto.
Ermənistan SQ-nin sıralarındakı əcnəbi muzdlular barəsində axtarış elan edilib – Baş Prokurorluq
Bakı/30.10.20/Turan: Azərbaycan Baş Prokurorluğu Ermənistan SQ tərəfində Qarabağdakı hərbi əməliyyatlarda iştirak edən 10-a yaxın xarici vətəndaş barəsində axtarış elan edib.
Bu barədə oktyabrın 30-da keçirilən brifinqdə Azərbaycanın baş prokuroru Kamran Əliyev bildirib. Bu muzdlular arasında bir neçə erməni əsilli Fransa vətəndaşı, habelə yenə erməni əsilli ABŞ, Yunanıstan, Gürcüstan, Livan, Suriya vətəndaşları və bir Belarus vətəndaşı var.
Azərbaycanda akkreditə olunmuş xarici diplomatlar və hərbi attaşelər üçün brifinqdə konkret şəxslərin döyüş əməliyyatlarında iştirak etdiyini təsdiq edən fotosənədlər təqdim edilib.
“Bu faktlarla bağlı Azərbaycan CM-in müvafiq maddələri ilə cinayət işləri açılıb, yuxarıda adı çəkilən ölkələrə qarşılıqlı hüquqi yardım sazişləri çərçivəsində sorğular göndərilib”, deyə Kamran Əliyev qeyd edib. -02B-
Siyasət
-
Mayın 6-da ABŞ-ın Azərbaycandakı səfiri Mark Libbi həyat yoldaşı ilə birlikdə Şuşa şəhərinə gəlib.
-
Mayın 6-da dövlət başçısı İlham Əliyev Rusiyanın Həştərxan vilayətinin qubernatoru İqor Babuşkinin başçılıq etdiyi nümayəndə heyətini qəbul edib.
-
Mayın 6-da Bakı Apellyasiya Məhkəməsində Sabit Bəhramzadənin sədrliyi ilə Seçkilərin Monitorinqi və Demokratiyanın Tədrisi (SMDT) Mərkəzinin rəhbəri Anar Məmmədlinin həbsindən verilmiş apellyasiya şikayətinə baxılıb.
-
Milli Şuranın Koordinasiya Mərkəzinin üzvü Vidadi Mirkamal ailəsinə qarşı təzyiqlərin olduğunu bildirir.
Rəy yaz