Nikol Pashinyan

Nikol Pashinyan

Bakı/17.10.23/Turan: Regionda kommunikasiyalar açıldığı təqdirdə Ermənistan öz ərazisindən tranzit prosedurlarını sadələşdirməyə hazırdır. Bu barədə baş nazir Nikol Paşinyan çərşənbə axşamı Strasburqda Avropa Parlamentinin iclasında çıxışında bildirib.

"Qarşılıqlılıq və ölkələrin suverenliyi prinsipi çərçivəsində bütün kommunikasiyalar açılsa, Ermənistan prosedurları sadələşdirməyə hazırdır. Biz Azərbaycanın bizim ərazimizdən keçən yüklərinin və sərnişinlərinin  təhlükəsizliyini təmin etməyə hazırıq, bunun qarşılıqlı olacağına ümid edirik", deyə Paşinyan qeyd edib.

Ermənistan heç vaxt hər hansı eksterritorial dəhlizləri açmaq vədi verməyib və bununla razılaşmayıb, deyə o, sözünə davam edib. Yerevan təkcə Ermənistanı və Azərbaycanı deyil, həm də Ermənistanın cənub bölgələrini şimal-qərb bölgələri ilə, Azərbaycanın cənub-qərb bölgələrini Naxçıvan Muxtar Respublikası ilə, gələcəkdə isə Ermənistanı Türkiyə ilə və Azərbaycanı Türkiyə ilə birləşdirəcək Mehri dəmir yolunu bərpa etməyə hazırdır. 

"Ermənistanda bu layihə "Ermənistan qovşağı" adlandırılır, amma onu "Sülh qovşağı" adlandırmağın vaxtı çatıb. Real sülh üçün bu, həddindən artıq vacibdir", deyə baş nazir bildirib.

Ermənistan eyni məntiqlə avtomobil yollarını açmağa və öz ərazisindən beynəlxalq tranzit daşımalarını, boru kəməri, elektrik xətti çəkilməsini təmin etməyə hazırdır.

Paşinyan Yerevan və Bakının ilin sonuna qədər sülh sazişi imzalayacağını da istisna etməyib. Ermənistan qarşılıqlı əsaslarla qoşunlarını 1991-ci il sərhədindən geri çəkməyə hazırdır. Yerevan "anklavlar" məsələsini də müzakirə etməyə hazırdır.

"İlin sonuna qədər Azərbaycanla sülh və münasibətlərin nizamlanması haqqında müqavilə imzalamağa hazırıq", deyə Paşinyan bildirib.

Azərbaycan prezidenti İlham Əliyevin Qranadadakı görüşdə iştirakdan imtina etməsi prosesi asanlaşdırmayıb. Digər tərəfdən, Avropa İttifaqı Şurasının sədri Şarl Mişelin vasitəçiliyi ilə Əliyevlə danışıqlar aparılması haqqında razılıq var.

"Yuxarıda qeyd edilən prinsiplər təsdiq edilsə, sülh və münasibətlərin nizamlanması haqqında müqavilənin ilin sonuna qədər imzalanması çox real olacaq", deyə Paşinyan qeyd edib.

Yerevan itkin düşmüş şəxslərin taleyinə aydınlıq gətirilməsi məsələsində də Bakı ilə əməkdaşlıq etməyə hazırdır. Ermənistan həmçinin əsirləri, saxlanılan və həbs olunan şəxsləri "hamı hamı ilə" prinsipi ilə qaytarmağa razıdır.

Paşinyanın sözlərinə görə, Ermənistan hakimiyyəti minatəmizləmə məsələsində də əməkdaşlıq etməyə hazırdır. 2021-ci ildə Yerevan "xoş məram jesti" olaraq Ermənistan tərəfin bütün mina xəritələrini Dağlıq Qarabağdan alıb və Azərbaycana təhvil verib.

Lakin Azərbaycan bundan sülh yolunda bir addım kimi deyil, Ermənistana qarşı aqressiv ritorikanı gücləndirmək üçün bəhanə kimi istifadə edib. "Bütün bunlara baxmayaraq, biz, sülhə doğru irəliləməliyik. Bunun üçün siyasi iradə lazımdır. Mənim, hökumətin, parlament əksəriyyətinin bu iradəsi var", deyə Paşinyan qeyd edib.

Digər tərəfdən, onun sözlərinə görə, beynəlxalq ictimaiyyət, Aİ, region ölkələri bu məqsədə nail olmaqda kömək etməlidir.

Sərhədlər məsələsinə toxunan Paşinyan deyib ki, Azərbaycanın sovet Baş Qərarganının son xəritələri əsasında delimitasiyaya başlamağa razılaşacağına ümid edir. 

O, delimitasiya işlərinə təcili başlamaq zərurətini qeyd edib. Sovet Baş Qərargahının xəritələri qoşunların qarşılıqlı olaraq geri çəkilməsi, sülh müqaviləsinin yekun razılaşdırılması və bütün digər məsələlərin həlli üçün də əsas olmalıdır.

Baş nazir qeyd edib ki, dəfələrlə 86,6 min kvadrat kilometr daxilində Azərbaycanın ərazi bütövlüyünü tanıdığını bildirib, bir halda ki, Azərbaycan lideri bunu etməyə tələsmir. Azərbaycan prezidenti İlham Əliyev son vaxtlar Ermənistanın ərazi bütövlüyünü tanıdığını desə də, o, heç bir rəqəm açıqlamayıb, deyə Paşinyan qeyd edib. 02D

Rəy yaz

Siyasət

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti