![Ermənistan vəziyyəti nədən gərginləşdirir](https://turan.az/resized/750/500/resize/media/2021/main/111100040768.jpg)
Ermənistan vəziyyəti nədən gərginləşdirir
Bakı/11.11.21/Turan: Dünən Azərbaycan Müdafiə Nazirliyi Ermənistan tərəfi Ermənistan-Azərbaycan dövlət sərhədinin Laçın rayonu sahəsində təxribat törətməyə cəhd göstərməsi ilə bağlı məlumat yayıb.
Bir gün əvvəl də qurum Kəlbəcər rayonu istiqamətindəki mövqelərinə yol çəkən mühəndis texnikası Ermənistan silahlı qüvvələrinin bölmələri tərəfindən atıcı silahlardan atəşə tutulmasını bildirib.
Ermənistanın Müdafiə Nazirliyi isə noyabrın 10-da Azərbaycan Müdafiə Nazirliyinin verdiyi məlumatı «açıq dezinformasiya» adlandırıb. Qurum iddia edib ki, Azərbaycan silahlı qüvvələri Qaragöl ərazisində «təxribat» etməyə çalışıb.
Dağlıq Qarabağ və sərhəddə vəziyyət nədən gərginləşib?
Milli Məclisin Beynəlxalq münasibətlər və parlamentlərarası əlaqələr komitəsinin üzvü Elman Nəsirov Turana bildirib ki, son günlər postmünaqişə dövrünə xarakterik olmayan gərginlik müşahidə olunmaqdadır. «Qarşıda Azərbaycan və Ermənistan siyasi liderlərinin Rusiya vasitəçiliyi ilə görüşün keçirilməsi haqqında mülahizələr səslənirdi. Amma biz nəyinki görüş, biz yeni gərginlik ocaqlarının yaranması haqqında məlumatlar eşidirik».
O, qeyd edib ki, bir yandan Ermənistan müdafi naziri qanunazidd addım ataraq Qarabağa səfər edir, ikinci tərəfdən Ermənistan Xarici işlər naziri Qarabağda yaşayan ermənilərin Azərbaycan tərkibində mövcudluğunu qeyri-mümkünlüyü haqqında fikirlər səsləndirdi. «Paşinyanın ritorikasında da çox ziddiyyətli fikirlər yer alır. Noyabrın 8-də isə Azərbaycanda çox böyük şadyanalıq tədbirlər keçirildiyi zaman Şuşa yaxınlığında ermənilər növbəti təxribatçı addımlar atmağa başladılar. Son bu hadisələr deməyə əsas verir ki, Ermənistan tərəfi bütün bunları məqsədyönlü şəkildə həyata keçirir».
Deputatın sözlərinə görə, Ermənistan dəfələrlə mühüm siyasi qərarlara imza atmağa hazırlaşarkən bu ölkədə ya terror hadisəsi, ya da inqilab baş verir. «İndi da Paşinyanın qarşıdakı danışıqlar fonunda sərhədlərin delimitasiya və demarkasiyası, Zəngəzur dəhlizinin işə düşməsi ilə bağlı sənədlərə imza atacağı ilə əlaqədar məlumatlar yayıldığı bir reallıqda bu hadisələr baş verir».
Siyasi şərhçisi Azər Qasımlı isə AzadlıqRadiosuna bildirib ki, İlham Əliyev və Nikol Paşinyan arasında danışıqların olacağı və hər hansı sənədin imzalanacağı ilə bağlı məlumatlar yayılmışdı. «Amma sonradan bəlli oldu ki, Ermənistan cəmiyyətində bununla bağlı müəyyən etirazlar var. Sonra Paşinyanın davranışında açıq sezilirdi ki, sanki o, bütün bu prosesləri saxladı və davam etmək istəmədi, çünki daxildə ona təzyiq var».
Ekspertin fikrincə, Ermənistan daxildəki bu etirazlar, üstəgəl Rusiyanın Azərbaycan və Ermənistan arasında imzalanacaq hər hansı bir sazişinin Rusiyanın maraqlarına uyğun gəlməməsi məsələsi müəyyən bir gərginliyə yol açmış ola bilər.
O, qeyd edib ki, danışıqlar dalana dirənib. «Ermənistan rəhbərliyi hazırda taym-aut götürüb və prosesi uzatmaq istəyir. Rusiyanın açıqlamalarından da görünür ki, o özü də sülh müqaviləsinin imzalanmasında o qədər də maraqlı deyil. Çünki bu baş versə, Dağlıq Qarabağ statusu məsələsi tamamilə bitmiş olacaq və belə olan təqdirdə Rusiya sülhməramlılarının orada qalmasının bir mənası qalmır».--21d-
-
- Foto sessiyalar
- 11 Noyabr 2021 23:45
-
- Enerji
- 12 Noyabr 2021 10:55
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz