Fransua Makron İlham Əliyevdən infeksion xəstəliklərə qarşı mübarizədə səyləri dəstəkləməyi xahiş edib
Bakı/11.10.19/Turan: Fransa prezidenti Fransua Makron Azərbaycan prezidenti İlham Əliyevə telefon edərək QİÇS, vərəm və malyariya ilə mübarizə üzrə Qlobal Fondu dəstəkləməyi xahiş edib.
Rəsmi məlumatda deyilir ki, İ.Əliyev Fransa prezidentinin bu təşəbbüsünə öz dəstəyini ifadə edib və Azərbaycan tərəfinin bu xəstəliklərlə mübarizə işinə əhəmiyyətli töhfə verməyə hazır olduğunu bildirib.
F.Makron İ.Əliyevə təşəkkürünü bildirib.
Söhbət zamanı dövlət başçıları ikitərəfli münasibətlərin inkişafı və iki ölkə prezidentləri arasında gələcək əlaqələrlə bağlı məsələləri müzakirə ediblər.
Lion konfransının iştirakçıları yaxın üç ildə QİÇS, vərəm və malyariya ilə mübarizə üzrə Qlobal Fonduna 14 mlrd. dollardan çox vəsaitin cəlb edilməsi barədə razılığa gəliblər.
Bəzi ölkələr, şirkətlər və özəl xeyriyyə təşkilatları öz üzvlük haqlarını xeyli artırmaq barədə razılaşıblar.06D--
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz