Gürcüstanda Rusiyanın Cənubi Qafqazda mövqeyinin gücləndiyini görürlər

Bakı/15.04.21/Turan: Aprelin 12-də Gürcüstan parlamentinin Müdafiə və təhlükəsizlik məsələləri komitəsində "Dağlıq Qarabağa dair sülh sazişinin Cənubi Qafqazda təhlükəsizlik mühitinə təsiri" mövzusunda müzakirələr aparılıb.

Parlamentin mətbuat xidmətinin hesabatından məlumdur ki, komitə üzvləri Xarici Kəşfiyyat Xidmətinin rəhbəri vəzifəsini icra edən Şalva Lomidzeni dinləyiblər.

Komitənin sədri İrakli Beraya bildirib ki, 10 noyabr 2020-ci il tarixli atəşkəs razılaşması nəticəsində Rusiyanın Cənubi Qafqazda hərbi iştirakı möhkəmlənib. Məruzəçi Dağlıq Qarabağ münaqişəsinin həlli və sazişin nəticələri barədə ətraflı məlumat verib.

Xarici Kəşfiyyat Xidmətinin Analitik İdarəetmə İdarəsinin direktoru Givi Tumanişvili deyib ki, Gürcüstanın regionun hazırkı vəziyyətilə bağlı qarşılaşa biləcəyi problemlər müzakirə olunub.

Bunlar ümumi və gözlənilən ifadələrdir. İclas qapalı rejimdə, jurnalistlər olmadan keçirildiyindən təfərrüatlar məlum deyil. Dağlıq Qarabağ münaqişəsinin həllilə bağlı Gürcüstanı hansı  təhlükənin və ya faydanın gözlədiyi aydın deyil.

Turan bu məsələ ilə bağlı Gürcüstanda və Azərbaycanda tanınmış jurnalistlərə və politoloqlara müraciət edib.

Tengiz Ablotiyanın sözlərinə görə, Gürcüstanda Qarabağ mövzusu "diqqət mərkəzindədir". Hamı hesab edir ki, artıq orada hər şey başa çatıb və danışmağa heç nə yoxdur". O, Gürcüstan parlamentinin Qarabağ hadisələri ilə maraqlandığını və orada nələrin müzakirə olunduğunu bilmir.

Qela Qvasadze parlamentdə maraqlı bir şeyin baş verdiyinə əmin deyil. "Rusiya Federasiyasında sistemli böhran həll olunmadan bizim kimi, sizin də ərazi məsələlərinizin həlli çətin ki mümkün olsun. Hələlik söhbət regionda təhlükəsizlikdən gedir, Qarabağın Rusiya tərəfindən sxinvaliləşdirilməsi gələcəkdə yeni müharibə üçün zəmin yaradıb və praktiki olaraq, dinc nizamlanma variantlarını qapadıb.

Rusiya indiki kimi olduğu müddətdə nə siz, nə də biz öz ərazi bütövlüyümüzü bərpa etməyəcəyik, amma sizdə müharibə təhlükəsi bizimkindən yüksəkdir", - Tengiz Ablotiya bildirib.

"Kavkazskiy uzel”in bloqeri Berq...mann  Gürcüstan deputatlarının Azərbaycana mümkün münasibətinin təfərrüatlarını göndərib.

Rəsmi olaraq Azərbaycan Gürcüstanın ən mühüm strateji tərəfdaşıdır. Ermənistan dost qonşu dövlətdir. Gürcüstan bu yaxınlarda Qarabağ ətrafındakı münaqişədə nümayişkaranə şəkildə neytrallığa tərəfdardır. Bununla yanaşı Gürcüstan bütün tribunalarda Azərbaycanın ərazi bütövlüyünü dəstəkləyir.

Əlbəttə, vəziyyətə baxdıqda o fakt nəzərə alınır ki, Ermənistanın əsas müttəfiqi Gürcüstanın rəsmi olaraq işğalçı və təcavüzkar hesab etdiyi Rusiyadır. Azərbaycanın əsas müttəfiqi NATO üzvü,  Gürcüstanın ən mühüm müttəfiqlərindən və ticarət tərəfdaşlarından biri olan Türkiyədir.

Zənnimcə, parlamentdə söhbət, demək olar ki, həm xarici, həm də daxili çoxsaylı təxribatlardan gedib. Söhbət guya rəsmi Tbilisinin Ermənistana rəğbətinin olması barədə fikirlərlə Gürcüstan-Azərbaycan münasibətlərini qızışdırmaq istəyən Saakaşvilinin tərəfdarlarından gedir.

"David Qareci" monastrı ətrafında, azərbaycanlıların sıx yaşadığı və Saakaşvilinin fəallarının tez-tez getdikləri rayonlarda təxribatlarla bağlı Gürcüstanın Dövlət Təhlükəsizliyi Xidməti dəfələrlə bəyanatlar verib. Bununla yanaşı, müxalifətyönlü kütləvi informasiya vasitələri həmişə gərginliyi xarici qüvvələrin - həm ermənilər və ruslar, həm də əslində Gürcüstanda olmayan Rusiyapərəst qüvvələrin üstünə atır. 

Rusiya və Ermənistana gəldikdə isə çətin ki onlar Gürcüstan-Azərbaycan, Gürcüstan - Ermənistan münasibətlərində nəyəsə təhrik edə bilsinlər.

Amma vəziyyəti diqqətlə izləsək, görərik ki,  Azərbaycan tərəfə ən çox təxribat Gürcüstan Pravoslav Kilsəsindən və Vətənpərvərlər Alyansından (təbii ki, onlar da təhrik edirlər) yox, Saakaşvilinin tərəfdarlarından və müttəfiqlərindən - əsas leyborist Şalva Natelaşvilidən gedir. O, dəfələrlə İlham Əliyev haqda xoşagəlməz ifadələr işlədib.

Gürcüstanın siyasi mübarizəsində hər zaman istənilən opponenti Rusiyapərəst mövqedə ittiham edirlər. Müxalifət iqtidarı, iqtidar isə müxalifəti bunda günahlandırır.

Zənnimcə, parlamentdə Gürcüstandakı ermənilərlə azərbaycanlılar arasında münaqişələrin qarşısının alınmasından da söhbət gedib, - gürcü bloqer bildirib. -0-