Bakı/07.01.20/Turan: Yanvarın 7-də Azərbaycan Hərbi Prokurorluğu 2019-cu ilin yekunlarına dair əməliyyat müşavirəsi keçirib. Bu barədə AZƏRTAC Dövlət İnformasiya Agentliyi məlumat yayıb.
Hərbi prokuror Xanlar Vəliyev bildirib ki, ötən il Silahlı Qüvvələrdə səbəbindən asılı olmayaraq baş vermiş istənilən ölüm faktı üzrə cinayət işi başlanılıb, eləcə də hər bir fakta və əmələ hüquqi qiymət verilməsi təmin olunub.
“Korrupsiyaya qarşı daha ciddi mübarizə aparılıb, 2019-cu ildə xidməti fəaliyyətində yol verdiyi nöqsanlara görə 14 prokurorluq əməkdaşı intizam məsuliyyətinə cəlb edilib”, - hərbi prokuror deyib.
Sonda X.Vəliyev bildirib ki, cinayətkarlığa qarşı mübarizə bundan sonra da effektiv şəkildə davam edəcək, qanunçuluğun təminatı üzrə tədbirlər gücləndiriləcək.—06D-
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz