Hüquq mühafizə orqanlarının əməkdaşları, nəhayət, Leyla Yunusdan əl çəkib

Aprelin 29-da axşam Azərbaycanın hüquq mühafizə  

orqanlarının əməkdaşları Sülh və Demokratiya İnstitutunun direktoru Leyla

Yunusun mənzilində axtarış aparıblar. Hüquq müdafiəçisinin təkidi ilə axtarış

zamanı onun vəkili Xalid Bağırovla yanaşı 5 nəfər KİV və vətəndaş cəmiyyəti

təmsilçisi – ekspert Azad İsazadə, Turan-ın direktoru Mehman Əliyev, “Azadlıq”

qəzetinin şərhçisi Seymur Həziyev, vəkil Cavad Cavadlı və Reportyorların

Azadlığı və Təhlükəsizliyi İnstitutunun (RATİ) hüquqşünası Günay İsmayılova

iştirak edib.

 Axtarış zamanı bir sıra sənədlər və çap məhsulları götürülüb.

Mənzildə kompyuterlər olmayıb. Leyla və Arif Yunusun fərdi kompyuterləri bu

gün aeroportda onlar saxlanılarkən və SDİ-nin ofisində axtarış zamanı götürülüb.

 Axtarəşdan sonra protokol tərtib edilib. Hüquq mühafizə orqanlarının

əməkdaşları Leyla Yunusun mənzilini tərk edib.

Leyla Yunusun vəkili Bağırov Turan-ın müxbiri ilə söhbətində deyib ki, L.Yunus

şahid qismində cəlb edilib və təbii ki, ondan ölkəni tərk etməmək barədə iltizam

alınmayıb. Amma onun xarici pasportu qanunsuz olaraq alınıb və sənədin

qaytarılması üçün çalışacaqlar.

 Arif Yunusa gəlincə, vəkilin sözlərinə görə, o, bu işlərə cəlb edilməyib. O

hətta şahid belə deyil, deyə Bağırov bildirib.—06B01--