İ.Əliyev BMT baş katibinin müavini Amina Mohammedi qəbul edib
Oktyabrın 9-da dövlət başçısı İlham Əliyev BMT Baş katibinin birinci müavini Amina Mohammedi qəbul edib və onunla COP29-a hazırlıq məsələlərini müzakirə edib.
Görüşdə Mohammed COP-da əsas mövzunun maliyyə məsələsi olacağına toxunaraq, yeni kəmiyyət maliyyə hədəfi ilə əlaqədar beynəlxalq ictimaiyyət tərəfindən qarşıya yeni məqsədlərin qoyulacağına və onun müəyyənləşdiriləcəyinə ümidvarlığını ifadə edib.
Öz növbəsində, COP-a hazırlıq prosesində BMT-nin İqlim Dəyişmələri üzrə Çərçivə Konvensiyası (UNFCCC) və Təşkilatın digər strukturları ilə əməkdaşlıqdan məmnunluğunu bildirib.
O, Bakının COP29-da konsensusun əldə olunması üçün səylər göstərdiyini bildirib.
Siyasət
-
Çərşənbə günü dövlət başçısı İlham Əliyev Böyük Britaniyanın beynəlxalq enerji və iqlim üzrə naziri Keri Makkartini qəbul edib.
-
Gürcüstanda həbsdə olan Azel TV saytının rəhbəri Əfqan Sadıqov vəziyyətinin ağır olmasına baxmayaraq, penitensiar müəssisənin xəstəxanasında aclığı davam etdirir və tibbi yardımdan imtina edir, bu barədə Turan-a onun həyat yoldaşı bildirib.
-
Oktyabrın 9-da dövlət başçısı İlham Əliyev ABŞ Prezidentinin Beynəlxalq İqlim Siyasəti üzrə baş müşaviri Con Podestanı qəbul edib. Podesta COP29-la bağlı azərbaycanlı həmkarlarla çox səmərəli və məhsuldar söhbətlərin aparıldığını deyib və Azərbaycan prezidenti ilə COP29 barədə fikir mübadiləsi aparmaqdan məmnunluq hissi keçirdiyini vurğulayıb.
-
Bakı Apellyasiya Məhkəməsi vəkil Fariz Namazlının Səbail Rayon Məhkəməsinin onun Dövlət Təhlükəsizliyi Xidmətinə qarşı iddiasına baxmaqdan imtinası ilə bağlı şikayətini təmin edib. Apellyasiya instansiyası Səbail Rayon Məhkəməsinin qərarını qanunsuz hesab edib və işi mahiyəti üzrə baxılması üçün Səbail Rayon Məhkəməsinə qaytarıb, bu barədə Turan-a Fariz Namazlı bildirib.
Rəy yaz