Bakı/14.09.18/Turan: Dünyada Azərbaycana təsir göstərməyə çalışan xarici qüvvələr az deyil. Lakin siyasi iradə və iqtisadi potensial Azərbaycanı hansısa avantüralara, yaxud da bizim milli maraqlarımıza uyğun olmayan təşəbbüslərə çəkməyə imkan vermir. Dövlət başçısının saytının məlumatına görə, bu barədə prezident İlham Əliyev Maştağa qəsəbəsindəki Savalan yaşayış massivində 28 nömrəli tam orta məktəbin açılış mərasimində bildirib.
Söhbətin məhz hansı xarici qüvvələrdən getdiyini dəqiqləşdirməyən dövlət başçısı qeyd edib ki, dünyanın müxtəlif yerlərində qanlı toqquşmalar, müharibələr, iqtisadi-sosial böhranlar, inqilablar geniş vüsət alıb. Təhlükə mənbələri getdikcə artır.
Ancaq Azərbaycan sabitlik məkanıdır. Azərbaycanda insanlar sülh, təhlükəsizlik, əmin-amanlıq şəraitində yaşayırlar. Azərbaycanda sosial və iqtisadi məsələlər öz həllini tapır. Yollar, su xətləri, elektrik xətləri, qazlaşdırma, hərbi gücün möhkəmləndirilməsi, energetika və nəqliyyat layihələri var.
"Bizim gələcəyimizlə bağlı heç bir narahatlıq yoxdur", - İ.Əliyev qeyd edib.-02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz