Açiq mənbələrdən foto.
Bakı/25.12.20/Turan: Bakı şəhərinin kommunal xidmətləri qış mövsümünə tamamilə hazırdır, bu barədə Turan-a Bakı Şəhər İcra Hakimiyyətindən bildiriblər.
Paytaxtın bütün rayonlarında payız-qış dövrünə hazırlıq üzrə tədbirlər görülüb. Şəhərin hər bir rayonu üzrə cavabdeh şəxslər təyin edilib, monitorinq aparılır. Güclü qar yağarsa, qarın təmizlənməsi məqsədi ilə Bakı şəhər Mənzil Kommunal Təsərrüfat Departamentinin xüsusi texnikaları, o cümlədən müvafiq qurumların texnikaları səfərbər olunacaq. Bu işlərin koordinasiyası üçün qərargah yaradılması nəzərdə tutulub.
Bundan başqa, yolların buz bağlamasına qarşı mübarizə üçün duz və qum ehtiyatları yaradılıb.
"Azəriqaz" İB də qış dövründə əhalinin sabit qaz təchizatı üçün tədbirlər görüb, bu barədə bu qurumun ictimaiyyətlə əlaqələr şöbəsinin rəhbəri Ceyhun Səfərov Turan-a bildirib.
2020-ci ilin 11 ayı ərzində 1361 km neyni qaz kəməri çəkilib, 554 km 554 kilometr qaz xətti təmir edilib.
Şəbəkədə qazın təzyiqi aşağı olduğu hallarda Səfərov abonentləri tədbir görülməsi üçün 104 və 185 nömrəli Çağrı Mərkəzlərinə məlumat verməyə çağırıb. Vətəndaşlar bu nömrələrə düşə bilməsələr 077 310 4104 WhatsApp nömrəsinə mesaj göndərə bilərlər.
Öz növbəsində, "Azərişıq" ASC-nin mətbuat xidmətinin rəhbəri Vaqif Aydınoğlu bildirib ki, qurum respublika ərazisində qış mövsümündə istehlakçıları keyfiyyətli, dayanıqlı və fasiləsiz elektrik enerjisi ilə təmin etmək üçün genişmiqyaslı tədbirlər həyat keçirib. Abonentlərimizin hər hansı bir sualı yaranarsa dərhal 199 qısa nömrəsi ilə Çağrı Mərkəzi ilə əlaqə saxlaya bilərlər.
Öz növbəsində, sosial məsələlər üzrə ekspert İlqar Hüseynli hesab edir ki, nəinki Bakı, bütün ölkə qışa hazır deyil. "Bakı kəndlərində istilik sistemləri, qaz təchizatı ilə bağlı çox ciddi problemlər var. Binəqədi rayonun bir çox ərazilərində qazlaşdırma ümumiyyətlə aparılmayıb. Bunun obyektiv və subyektiv səbəbləri var. Məsələn elə ərazilər var ki, onlar mübahisəli ərazilər hesab olunur. "Azəriqaz" həmin əraziləri SOCAR-ın əraziləri kimi təqdim edərək, o ərazilərə qaz verməkdən imtina edir.
Rayonlarda da problemlər var. Məsələn, İmişli rayonun Xəlfəli bələdiyyəsi 3 kəndi birləşdirir. Həmin kəndlərdə 10 mindən çox əhali yaşıyır, amma bu günə qədər həmin kəndlərin qazlaşdırma prosesi başa çatmayıb", deyə ekspert bildirib. -06D-
Siyasət
-
Anım Günündə Azərbaycan Respublikasının Prezidenti İlham Əliyev Bakıda inşası davam etdirilən Zəfər Parkında olub.
-
Anım Günündə Böyük Britaniyanın Azərbaycandakı səfiri Fergus Old X sosial şəbəkəsində şəhidlərin xatirəsinə hörmət əlaməti olaraq post paylaşıb.
-
Bu gün ABŞ-ın Azərbaycandakı səfiri Mark Libbi Şəhidlər xiyabanını ziyarət edib və Birinci və İkinci Qarabağ müharibələrində həlak olanların xatirəsinə ucaldılmış "Əbədi məşəl" abidəsinin önünə əklil qoyub.
-
Sentyabrın 27-də Azərbaycanda Anım Günü, dərin milli düşüncə və həlak olmuş qəhrəmanların xatirəsinin ehtiramla anılması günü qeyd olunur. Bu tarixi keçmiş Dağlıq Qarabağ Muxtar Vilayəti ətrafındakı işğal olunmuş ərazilərin, o cümlədən Hadrut rayonlarının və Şuşa şəhərinin azad edilməsində həlledici rol oynayan 2020-ci ilin 44 günlük müharibəsində canlarından keçmiş şəhidlərin xatirəsini əbədiləşdirir. Azərbaycanın ərazi bütövlüyünün bərpası bu müharibənin ən mühüm nəticəsi idi.
Rəy yaz