Açiq mənbələrdən foto.
Bakı/30.10.20/Turan: Sülhməramlılar Qarabağa müstəsna olaraq hər iki münaqişə tərəfinin razılığı ilə yeridilə bilər, bu barədə Rusiya prezidentinin mətbuat katibi Dmitri Peskov jurnalistlərin suallarını cavablandırarkən bildirib. “Münaqişə zonasına istənilən sülhməramlılar müstəsna olaraq hər iki tərəfin razılığı ilə yeridilə bilər”, deyə o bildirib.
Peskov dövlət başçısı Vladimir Putinin Ermənistan və Azərbaycan rəhbərləri ilə söhbətlərində tanınmamış Dağlıq Qarabağda münaqişə zonasına Rusiya sülhməramlılarının yeridilməsini təklif edib-etmədiyi barədə suala cavab verməkdən yayınıb.
Hər iki tərəfin razılığı olarsa, Rusiyanın öz sülhməramlılarını göndərib-göndərcməyəcəyi barədə suala cavabda Peskov hadisələri tələsdirməyə ehtiyac olmadığına işarə edib.
Xatırladaq ki, dünən Ermənistan baş naziri Nikol Paşinyan yenidən Rusiya sülhməramlılarının Qarabağa yeridilməsi zərurətini qeyd edib. Onun bəyanatı elə səslənib ki, sanki Rusiya prezidenti odur. -02D-
Siyasət
-
Noyabrın 26-da Moskvada MDB ölkələri təhlükəsizlik xidmətləri rəhbərlərinin iclasında "Qərbin MDB məkanında sabitliyi pozulmasına yönəlmiş çoxşaxəli səyləri" fonunda MDB ölkələrinin təhlükəsizliyini təmin etmək üçün xüsusi xidmət orqanlarının əməkdaşlığı məsələlərinə baxılıb.
-
Bu il Azərbaycan-NATO münasibətlərində mühüm bir mərhələni qeyd edir: "Sülh Naminə Tərəfdaşlıq" (PfP) proqramına qoşulmasının 30-cu ildönümü. Noyabrın 26-da Bakıda keçirilən yubiley konfransı əməkdaşlıq yolunu nəzərdən keçirmək, nailiyyətləri və problemləri vurğulamaq və gələcək istiqamətləri müəyyənləşdirmək üçün görkəmli şəxsləri bir araya gətirdi.
-
Noyabrın 26-da ABŞ-ın vasitəçiliyilə İsrail və “Hizbullah” Hərəkatı arasında Livan və İsrail arasındakı sərhəddə atəşkəs haqqında saziş əldə edilib. Saziş ötən gecə qüvvəyə minib.
-
ABŞ Azərbaycanın NATO-nun Sülh Naminə Tərəfdaşlıq Proqramında aktiv rolunu və NATO ilə tərəfdaşlıq üzrə davamlı öhdəliyini yüksək qiymətləndirir. Bu barədə ABŞ-ın Azərbaycandakı səfirliyinin Azərbaycanın NATO-nun Sülh Naminə Tərəfdaşlıq Proqramına qoşulmasının 30 illiyi münasibətilə yaydığı məlumatda deyilir.
Rəy yaz