![KXCP: Mehman Hüseynova bəraət verilməli və dərhal azadlığa buraxılmalıdır.](https://turan.az/resized/media/2018/main/080700012267-750-500-resize.webp)
KXCP: Mehman Hüseynova bəraət verilməli və dərhal azadlığa buraxılmalıdır.
Bakı/07.08.18/Turan: KXCP rəhbərliyi Emin və Mehman Hüseynovlara anaları Firəngiz xanımın vəfatı ilə bağlı dərin hüznlə başsağlığı verir.
Başsağlığında bu ailəyə qarşı haqsızlıqlar və hadisələrin gedişatının bütün ölkə ictimaiyyəti kimi KXCP-nin də diqqət mərkəzində olduğu deyilir.
Müəlliflər xatırladırlar ki, QHT rəhbəri E.Hüseynov bəzi hakimiyyət nümayəndələrinə sərgilədiyi tənqidi mövqeyə görə təqib və təzyiqlərə məruz qalaraq ölkəni tərk etməli olub.
Daha sonra həmin basqı və təzyiqlər qardaşı Mehman Hüseynova yönəldilib. "Dəlilsiz- sübutsuz, bir polis rəisinin ifadəsi ilə M.Hüseynovun da həbsə alınması artıq hüquqi deyil, qisasçılıq motivlərindən xəbər verir.
Başsağlığında vurğulanır ki, Firəngiz Hüseynova xəstələndiyi zaman oğlu M.Hüseynovla görüşmək istəsə də bu görüşə imkan yaradılmayıb.
"Biz baş verən hadisələri qanunun, hüququn təzahürü yox, qisasçılıq, müxtəlif, fərqli fikirli, mübariz insanları əzmək kimi qiymətləndirir və qınayırıq. Bunun milli və dini adət-ənənəyə dabandabana zidd olan ləyaqətsiz bir psixoloji işkəncə üsulu olması qənaətindəyik.
Ümid edirik ki, fəsadları ölçülə bilinməyən belə halların təkrarlanması baş verməyəcək və hesab edirik ki, M.Hüseynova bəraət verilməli və dərhal azadlığa buraxılmalıdır".-05D-
-
- Cəmiyyət
- 7 Avqust 2018 17:51
-
- Foto sessiyalar
- 7 Avqust 2018 23:45
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz