Rusiya XİN rəhbəri Sergey Lavrov noyabrın 9-da Yerevana işgüzar səfərə gələcək. Səfər Ermənistan XİN rəhbəri Edvard Nalbandyanın dəvəti ilə baş tutacaq.
Ermənistan XİN-in mətbuat xidmətinin məlumatına görə, Ermənistan prezidenti Serj Sarkisyan Lavrovu qəbul edəcək.
Ermənistan və RF XİN rəhbərlərinin danışıqlarının yekunlarına görə mətbuat konfransı keçiriləcək.
Danışıqların mövzusu və gündəlik barədə məlumat verilmir. Amma yerli müşahidəçilər əmindirlər ki, diqqət mərkəzində olan məsələlərdən biri Qarabağ tənzimlənməsi olacaq.
Yerevanda Bakının bu münaqişənin həllində Rusiyanın roluna əhəmiyyət verməsi və Qərbi tənqid etməsi ilə bağlı narahatçılığı gizlətmirlər. Azərbaycan rəsmilərinin “işğal edilmiş ərazilərin tezliklə azad ediləcəyi” haqqında bəyanatları, habelə Moskvanın bu hərbi çağırışlarla bağlı susması da Ermənistanı açıq-aşkar əsəbiləşdirir. -02D-
Siyasət
-
Cümə günü Dövlət Təhlükəsizliyi Xidməti Azərbaycanın ABŞ-dakı hərbi attaşesinin köməkçisi, daha əvvəl İstanbulda 70 kiloqram qızıl ilə saxlanılan Qəhrəman Məmmədovun həbsi barədə rəsmi məlumat yayıb.
-
“Abzas Media”nın həbsdə olan jurnalistləri həbsxanada da öz araşdırmalarınıdayandırmırlar. Onlar artıq 1 saylı Bakı İstintaq Təcridxanasında məhbuslara fiziki təzyiq faktlarını açıqlayıblar. Bu dəfə onlar diqqəti məhbusların saxlanılma ağır şəraitinin ağır olmasına, dövlət hesabına onlara ayrılan ərzaq, geyim, yataq ləvazimatları, gigiyenik vasitələrin verilməməsinə yönəldiblər.
-
Avropa İttifaqının 27 üzv dövləti Gürcüstandakı vəziyyəti, o cümlədən bu ölkə ilə vizasız rejimin ləğvi imkanını dekabrın 16-da keçiriləcək Xarici İşlər Şurasının iclasında müzakirə edəcək. Bu barədə cümə günü Aİ-nin Gürcüstandakı səfiri Pavel Hercinski məlumat verib.
-
Hüquq müdafiəçisi Rüfət Səfərov 1 saylı İstintaq Təcridxanasının personalının müttəhim Fazil Qasımova qarşı pis münasibətilə əlaqədar ombudsman Səbinə Əliyevaya müraciət edib. Bundan sonra vəziyyət yaxşılığa doğru dəyişib, əsəsən Qasımova icazə veriblər ki, mühafizəçinin nəzarəti olmadan iki saatdan çox qardaşı ilə söhbət etsin. Bu barədə Turan-a "Müdafiə xətti" hüquq-müdafiə təşkilatının rəhbəri Rüfət Səfərov bildirib.
Rəy yaz