Liderlik dinamikasında dəyişiklik: Samvel Şahramanyan Qarabağ erməniləri üçün əsas fiqura çevrilir

Bakı/01.09.23/Turan: Sentyabrın 1-i Azərbaycanın Qarabağ iqtisadi rayonundakı yaşayış məntəqələrində yaşayan ermənilər üçün mühüm dönüş nöqtəsi kimi yadda qalıb. Samvel Şahramanyan hazırda istefa vermiş və qeyri-legitim prezident olan Araik Arutyunyan tərəfindən böyük səlahiyyətlərə malik "dövlət naziri" təyin edilərək, de-fakto mülki rəhbər vəzifəni tutub. "Prezident" vəzifəsi varisini gözləyir və regionun qanunsuz "parlamenti" bir həftə ərzində onu təyin etməlidir.

Bu yeni hakimiyyət dəyişikliyini 2023-cü il iyulun 29-da başlamış bir sıra hadisələrə nəzər salaraq izləmək olar. Həmin gün "parlamentin" spikeri Artur Tovmasyan baş verən hadisələrə təsir etmək iqtidarında olmadığını etiraf edərək, könüllü olaraq vəzifəsini tərk edib. Sonradan, avqustun 9-da radikal milliyyətçi "Daşnaksütyun" partiyasının nümayəndəsi David İşxanyan yeni "spiker" seçilib, bu da seçki hakimiyyətinin Azərbaycanın qatı əlehydarlarına ötürüldüyündən xəbər verib. 

Arutyunyanın getməsi ilə birlikdə onun müttəfiqi, anti-Azərbaycan ritorikası ilə məşhur olan "dövlət naziri" Qurqen Nersisyan da istefa verib. Nəzərəçarpan digər bir gediş türklərə qarşı açıq düşmənçiliyi ilə məşhur olan Artak Beqlaryanın gedişi olub. Vaxtilə "dövlət naziri", sonradna isə "dövlət nazirinin müşaviri" olan Ruben Vardanyan da siyasi səhnəni tərk edib.

Bu dəyişən landşafta əvvəllər "Təhlükəsizlik şurasının katibi" vəzifəsini tutan Samvel Şahmaryan daxil olur. Şahmaryanın karyera yolu onun 1999-cu ildən etibarən müxtəlif hökumət idarələrində rolları ilə yadda qalıb. Maraqlıdır ki, o, 1999-2008-ci illərdə yerli "Milli təhlükəsizlik xidmətində" işləyib, sonradan "vergi xidmətinin əməliyyat-axtarış tədbirləri şöbəsinin rəisi" (2008-2010), "Ədliyyə nazirliyinin hüquq-mühafizə orqanlarının baş əməkdaşı" (2010-2013), "Ədliyyə nazirliyinin Xankəndi cinayət axtarışı idarəsinin rəisi" (2013-2018), "Milli təhlükəsizlik xidmətinin direktoru" (2018), "gənclər, idman və turizm naziri" (2020) və "Təhlükəsizlik şurasının katibi" (2023) kimi vəzifələri tutub.

Şahramanyan şəxsi faciə ilə də üzləşib: oğlu 44 günlük müharibədə ölüb. Bununla belə, onun karyera inkişafı, bloger David Stepanyanın qeyd etdiyi kimi, korrupsiyaya uğramış məmurlarla ciddi toqquşmalardan açıq şəkildə uzaq dayanması ilə izah olunurdu. Stepanyan iddia edir ki, Şahramanyanın rütbələrdə yüksəlməsinə onun müəyyən təcrübələrə, xüsusən yüksək vəzifəli məmurların vergi ödənişindən yayınmasına göz yummağa meylli olması şərait yaradıb. Bu, onun uğur pilləkənlərini ardıcıl şəkildə çıxmasına imkan verib.

Sələfindən fərqli olaraq, Şahramanyan Azərbaycan Baş Prokuroluğu tərəfindən açılmış cinayət işinə cəlb edilməyib, bu da onun Bakı ilə danışıqlar üçün potensial olaraq daha əlverişli mövqedə olmasına səbəb olur. Lakin onun Azərbaycan tərəfindən irəli sürülən tələblərlə bağlı mövqeyi hələlik məlum deyil. 

Regionda liderlik dinamikası inkişaf etməkdə davam etdiyinə görə Şahramanyanın regionun Azərbaycanla münasibətlərinin formalaşmasına təsiri və bunda potensial rolu, şübhəsi zki, həm yerli, həm də beynəlxalq müşahidəçilər tərəfindən diqqətlə izlənəcək. 0