Milli Elmlər Akademiyasının ETİ direktorları seçiləcək

Bakı/11.06.19/Turan: Milli Elmlər Akademiyasının Rəyasət Heyəti iyunun 11-də akademiyanın elmi-tədqiqat müəssisələrinin direktorları vəzifəsinə seçkilər keçiriləcəyini elan edib.

AMEA Rəyasət Heyəti aşağıdakı elmi-tədqiqat müəssisələrində direktor vəzifəsinə müsabiqə elan edir:

Fizika İnstitutu; İdarəetmə Sistemləri İnstitutu; Riyaziyyat və Mexanika İnstitutu; İnformasiya Texnologiyaları İnstitutu; Biofizika İnstitutu; Kataliz və Qeyri-üzvi Kimya İnstitutu; Aşqarlar Kimyası İnstitutu; Geologiya və Geofizika İnstitutu; Fiziologiya İnstitutu; Mərkəzi Botanika Bağı; Ədəbiyyat İnstitutu; Əlyazmalar İnstitutu; Milli Azərbaycan Ədəbiyyatı Muzeyi; Hüseyn Cavidin Ev Muzeyi; Fəlsəfə İnstitutu; Milli Azərbaycan Tarixi Muzeyi; Şərqşünaslıq İnstitutu.

Namizədlər AMEA və ya ETİ elmi şurası tərəfindən yüksək elmi nailiyyətləri olan və elmi-təşkilati qabiliyyətə malik alimlər arasından irəli sürülə bilər.

Namizədlər müraciətlərini 2019-cu il iyulun 11-nə qədər AMEA-nın müvafiq şöbəsinə təqdim etməlidirlər. Seçkilərin nə vaxt keçiriləcəyi açıqlanmır. -02D-