![Yerevan və Qarabağ arasında qarşıdurma dərinləşir](https://turan.az/resized/media/2019/main/061100019530-750-500-resize.webp)
Yerevan və Qarabağ arasında qarşıdurma dərinləşir
Bakı/11.06.19/Turan: İyunun 10-da axşam Ermənistan KİV Qarabağ Təhlükəsizlik Şurasının katibi Vitali Balasanyanın istefası barədə məlumat yayıb.
İstefaya V.Balasanyanın Ermənistanın baş naziri Nikol Paşinyanın və onun komandasının ünvanına kəskin tənqidi, onun siyasəti ilə razılaşmaması səbəb olub.
Qarabağdakı mənbələrə görə, N.Paşinyan Qarabağ separatçılarının lideri Bako Saakyandan tələb edib ki, V.Balasanyanı vəzifədən çıxarsın. Bir neçə gün öncə V.Balasanyan Yerevanda polis tərəfindən saxlanılıb və onun avtomobilində axtarış aparılıb. Bu, Ermənistan rəhbərliyinin V.Balasanyana münasibətini göstərir.
Eyni zamanda Qarabağdakı mənbələr bildirirlər ki, V.Balasanyan 2020-ci ildə "Qarabağda keçiriləcək prezident seçkilərində" namizədliyini irəli sürəcək.
V.Balasanyandan başqa Qarabağ rəhbərliyində təmsil olunan digər yüksək vəzifəli məmur Artur Ağabekyan da bu gün postundan kənarlaşdırılıb. O, "prezident"in müşaviri idi, bundan öncə isə separatçıların hərbi rəhbərlərindən biri olub. A.Ağabekyan da Paşinyan hökumətini kəskin tənqid edib. O, qarabağlıları mitinqlərə çıxaraq Ermənistanın yeni hakimiyyətinin "xəyanətkar siyasət"inə etiraz etməyə çağırıb.
Bəzi KİV-in məlumatına görə, N.Paşinyan həmin şəxslərin, həmçinin "prezident"in köməkçisi David Babayanın vəzifədən çıxarılmasını şərt kimi qoyub.
Bundan əlavə, Yerevan artıq iki aydır ki, Qarabağa maliyyə yardımı ayırmaqdan imtina edir və həmin şərtlərin yerinə yetirilməsini tələb edir.
Ancaq bu gün Qarabağ rəhbərliyi bu məlumatı təkzib edən bəyanat yayaraq bildirib ki, Yerevanın maliyyə yardımı dayandırılmayıb.
Bütün hallarda Ermənistanla Dağlıq Qarabağ arasında münasibətlərin kəskinləşməsi göz önündədir. Tərəflərin bir-birinə inamsızlığının artması fonunda yaxın vaxtlarda vəziyyətin daha da pisləşəcəyini gözləmək olar.-02D-
-
- İqtisadiyyat
- 11 İyun 2019 13:34
-
- Siyasət
- 11 İyun 2019 14:08
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz