Zorakılıq qurbanı
Milli Məclisə şiddət qurbanlarının müdafiəsi haqqında düzəlişlər layihəsi daxil olacaq
Bakı/23.02.23/Turan: Ailə, Qadın və Uşaq Problemləri üzrə Dövlət Komitəsi (DK) təklifləri hazırlayıb və Nazirlər Kabinetinə göndərib. Tezliklə düzəlişlər Milli Məclisə daxil olacaq. Qanunvericiliyə düzəliş təkliflərinin məqsədi qanunlarda məişət zorakılığı qurbanlarının müdafiəsi ilə bağlı boşluqların aradan qaldırılmasıdır, bu barədə DK sədri Bahar Muradova "Qadınlara qarşı şiddət və məişət zorakılığı ilə bağlı işlər üzrə müdafiə orderləri" adlı hesabatın təqdimatına həsr olunmuş yekun konfransda çıxış edərkən bildirib.
DK rayonlarda problemli ailələr haqqında məlumatları qeyd edən və təhlil edən, risk dərəcəsini müəyyən edən monitorinq qrupları yaradıb. Qruplardan daxil olan məlumatların tədqiq edilməsi göstərir ki, yerlərdə icra hakimiyyəti qurumlarında və vətəndaşlar, o cümlədən şiddət qurbanları arasında onların hüquqları və dövlətin öhdəlikləri tam olaraq başa düşülmür, əksər rayonlarda məişət zorakılığı qurbanlarının təhlükəsizliyinə görə məsul olan dövlət qurumları şəbəkəsi yoxdur, deyə B.Muradova bildirib.
"İcra hakimiyyətindən qısamüddətli müdafiə orderləri verilir, amma orderlərin icrası səmərəsizdir, uzunmüddətli müdafiə orderlərinin verilməsi isə ləngidilir. Dövlət qurumlarının qarşılıqlı fəaliyyəti və potensial qurbanlar və zorakılığa, o cümlədən cinsi, psixoloji, iqtisadi zorakılığa məruz qalan şəxslərlə əlaqələri üçün elastik mexanizmlər yaradılmalıdır. Zorakılıq qurbanlarına maddi yardım üçün dövlət tərəfindən maliyyə ayrılmalıdır, belə ki, bu insanların əksəriyyəti evdən qovulduqdan sonra özlərini dolandıra və vəkillərin əmək haqqını ödəyə bilmir", deyə Muradova bildirib.
Dövlət Komitəsinin sədri Aİ və Azərbaycanın "Yaxşı idarəçilik üçün tərəfdaşlıq II, 2019-2022" birgə proqramının başa çatması ilə əlaqədar təəssüfünü bildirib. O, bu sahədə əməkdaşlığın başqa sazişlər çərçivəsində davam edəcəyinə ümid edir.
Konfrans Ailə, Qadın və Uşaq Problemləri üzrə Dövlət Komitəsi və Avropa Şurası tərəfindən keçirilib. "Azərbaycanda İstanbul Konvensiyası və gender bərabərhüquqluluğu standartları haqqında məlumatlılığın artırılması" layhəsi 2020-ci ildən etibarən "Yaxşı idarəçilik üçün tərəfdaşlıq II, 2019-2022" proqramı çərçivəsində Avropa İttifaqı tərəfindən maliyyələşdirilirdi. --0--
-
- Maliyyə
- 23 Fevral 2023 12:38
Siyasət
-
Çərşənbə günü səhər Türkiyənin Akinci pilotsuz təyyarəsi İran prezidentinin göyərtəsində olduğu güman edilən helikopterin qəzaya uğradığı qaynar nöqtəni aşkar edib, bu barədə yerli vaxtla saat 03:50-də İrna agentliyi məlumat verib.
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
Rəy yaz