Milli Şura Novxanıda mitinq keçirib

Bakı/28.05.19/Turan: Demokratik Qüvvələrin Milli Şurası (DQMŞ) Respublika Günü münasibətilə Novxanıda Məhəmməd Əmin Rəsulzadənin abidəsinin önündə bayram mitinqi keçirib.

Aksiyada çıxış edən AXCP lideri Əli Kərimli deyib ki, Rəsulzadənin ömür yolu Azərbaycan üçün azadlıq və demokratiya istəyən hər kəs üçün nümunə olmalıdır.

Ə.Kərimli xatırladıb ki, çar gizli polisinin təqiblərinə baxmayaraq, Rəsulzadə Azərbaycan üçün milli ideyanı müəyyən edən əsərlər yaradıb. Həmin əsərlər Azərbaycan Xalq Cümhuriyyətində (1918-1920-ci illər) həyata keçirilib.

Rəsulzadənin ideya irsi yenidən qalib gələcək, Azərbaycan xalqı ölkədə monarxiyanın qurulmasına imkan verməyəcək, Azərbaycan əsl respublika olacaq, Ə.Kərimli bildirib.

DQMŞ rəhbəri Cəmil Həsənli Azərbaycan tarixində AXC-nin əhəmiyyətindən danışarkən keçmişdə bir alman diplomatın sözlərini xatırladıb: "Azərbaycan elə respublika modeli yaradıb ki, istənilən Avropa ölkəsi üçün nümunə ola bilər".

"İndiki rejim ölkəni elə vəziyyətə salıb ki, onu pis nümunə kimi - yüksək səviyyədə korrupsiyaya və avtoritarizmə nümunə göstərirlər", - C.Həsənli deyib.

Siyasi məhbus Orxan Baxışlının anası Kəmalə Rəhimli oğlunun Respublika Günü münasibətilə yazdığı məktubu oxuyub və qeyd edib ki, həbsdə olmalarına baxmayaraq, məhbuslar azadlıq və demokratiya uğrunda mübarizəni davam etdirirlər.

Aksiya zamanı natiqlər hakimiyyəti tənqid edərkən səsucaldanda elektrik kəsilib. Buna cavab olaraq aksiya iştirakçıları "Azadlıq!", "Rəsulzadə!", "İstefa!" şüarlarını səsləndiriblər.

Aksiyadan öncə nümayişçilərin abidəyə doğru yürüşü zamanı polis bir neçə fəalı, o cümlədən DQMŞ Koordinasiya Mərkəzinin üzvü Tofiq Yaqublunu saxlayıb. Axşama yaxın onları buraxıblar.

1918-ci il mayın 28-də Azərbaycan Xalq Cümhuriyyəti elan edilib və 1920-ci il aprelin 28-dək mövcud olub.

Ənənəvi olaraq müxalifət qüvvələri hər il mayın 28-də AXC-nin banilərindən biri Məhəmməd Əmin Rəsulzadənin abidəsi önündə bayram mitinqi keçirir. -06D--

Rəy yaz

Siyasət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti