Kiyevdən gələn Demokratik Qüvvələrin Milli Şurasının (DQMŞ) Ukrayna nümayəndəliyinin rəhbəri Yalçın Qəhrəmanoğlu Bakı aeroportunda saxlanılıb.
Qohumlarının sözlərinə görə, o, ailəsi ilə birlikdə iyulun 28-də axşam Kiyevdən gəlib. Əvvəlcə sərhədçilər sənədlərdə “problemlər” aşkarlayaraq, onu saxlayıblar. Daha sonra aeroport binasından çıxarkən onu polisə təhvil veriblər.
Bazar ertəsi səhər o, mobil telefonla doğmalarına DİN-in Mütəşəkkil Cinayətkarlığa qarşı Mübarizə Baş İdarəsinə (MCMBİ) aparıldığını xəbər verməyə müvəffəq olub. Bundan sonra onunla əlaqə kəsilib. Qəhrəmanoğlunun nədə ittiham olunduğu aydın deyil.
Öz növbəsində, DİN-in mətbuat xidmətindən Turan-ın müxbirinə bildiriblər ki, Qəhrəmanoğlunun saxlandığı haqqında məlumata malik deyillər.
Qeyd edək ki, iyunun 9-də Kiyevdə yaşayan azərbaycanlılardan ibarət qrup iclas keçirərək, Qəhrəmanoğu başda olmaqla, Milli Şuranın nümayəndəliyini yaratmağı qərara alıblar.
Yalçın Qəhrəmanoğlu vaxtilə “Qərbi Azərbaycana (müasir Ermənistan ərazisi) qayıdış” ictimai birliyinin sədri olub və keçmiş səhiyyə naziri Əli İnsanovun hüquqlarını müdafiə ictimai komitəsinə daxil olub. -06D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz