Milyonları offşor şirkətlər vasitəsilə Londona daşıyanın kimliyi məlum olub

Bakı/30.06.21/Turan: Mütəşəkkil Cinayətkarlıq və Korrupsiya Araşdırmaları jurnalist layihəsi (OCCRP) Azərbaycan üzrə yeni iş dərc edib.

Araşdırmanın "yeni qəhrəman”ı "iliyinə qədər işləyən elektron ritmləri” və “qaynar gecə həyatı" ilə "DJ Mikaela Cav" olub.

OCCRP qeyd edir ki, "Mikaela və dostları" adlı şənbə görüşləri 2015-ci ilin yayında Facebook-da da  populyarlaşmışdı.

Mikaela Kav Yunanıstan, Tayland və Las Vegasdakı zəngin həyatının fotolarını Facebook-da paylaşıb.

Hesabata görə, DJ Mikaela İspaniyada müsahibəsində İbizaya olan marağından, öz musiqi ilhamından və öz vətənini kimi təqdim etdiyi Rusiyadakı həyatından həvəslə danışıb.

OCCRP yazır ki, Transparency International-ın Britaniya şöbəsi ilə birlikdə DJ Mikaelanın şəxsiyyətini müəyyən etməyə müvəffəq olub. Məlum olub ki, o, akademik Cəlal Əliyevin qızıdır.

Bildirilir ki, Cavadova soyadlı qadın 22 yaşlı qızı Mikaelanın səhnə təxəllüsünü götürüb.

Məlumatda bildirilir ki, son bir neçə ildə o və onun həyat yoldaşı Süleyman Cavadov cinayətkarlığa qarşı mübarizə üzrə Milli Agentliyin milyonlarla funt-sterlinqin mənşəyinə dair araşdırmalarının predmetinə çevrilib. Ötən il Britaniyanın "Evening Standard" qəzetində dərc edilmiş məqalədə belə araşdırma haqda məlumat verilib.

Faktiki olaraq, qəzetin məqalələri "Azərbaycan cütlüyü" adlandırılan cütlüyün şübhəli mənbələrdən əldə etdiyi 13,9 milyon funt sterlinq (19,6 milyon dollar) barədə informasiyanın üstünün açılmasına gətirib çıxarıb.

Cinayətkarlığa qarşı mübarizə üzrə Milli Agentliyin məlumatına görə,   Cavadovlar milyonlarla funt sterlinqin Britaniya banklarındakı hesablara köçürülməsi üçün 20 "qaranlıq" şirkətdən (əsasən offşor) ibarət şəbəkədən stifadə ediblər.

Britaniya agentliyində açıqlama veriblər ki, bu yolla köçürülən pullar "bank tranşlarından fərqli olaraq, audit predmeti ola biləcək izlər buraxmaya bilər".

Agentliyin müstəntiqləri "Azərbaycanda pulların yuyulması maşını"na bağlılığı olan altı şirkəti aşkar ediblər.

OCCRP-nin 2017-ci il hesabatında ilk dəfə təsvir etdiyi sistem vəsaitləri oğurlamağa, vergidən yayınmağa, pulların yuyulmasına və Azərbaycandan Qərbə ötürülməsinə imkan yaradırdı. Burada bu pullar elit daşınmaz əmlaka və təmtəraqlı həyat tərzi sürmək vasitəsinə çevrilirdi.

İzzət və Süleyman Cavadovlar Azərbaycanda tanınmış fiqurlar olmasalar da, qadının atası parlamentin deputatı olub, qayınatası isə ötən ilə qədər energetika nazirinin müavini vəzifəsini tuturdu.

Britaniyada pulların yuyulmasına qarşı mübarizə qaydalarına əsasən bu şəxslərin barəsində əlavə yoxlamalar aparılmalıdır.

Cinayətkarlığa qarşı mübarizə üzrə Milli Agentliyin məlumatına görə, Cavadov Britaniyanın Coutts bankında hesab açarkən bildirib ki, azərbaycanlı nazirin müavini ilə qohumluğu yoxdur, sadəcə, soyadı eynidir. 

Həmçinin qeyd olunur ki, Cavadovun pulun mənşəyi barədə banka verdiyi məlumat polisdə olan məlumatdan fərqlənib. Müstəntiqlər müəyyən ediblər ki, İzzət Cavadova banka bildirib ki, Azərbaycanda daşınmaz əmlakın icarəsi ilə məşğul olan şirkətin gəliri hesabda əksini tapacaq.

Lakin sənədlər göstərir ki, bu hesabda vəsait Cavadovların icarədən aldıqları və banka bəyan etdikləri gəlirdən iki dəfə çox olub.

Ər-arvad 20 şirkətdən əldə edilən pulun izahı kimi  icarə və evlərin idarə edilməsilə bağlı 250 müqavilə təqdim edib. Məhkəmə sənədlərinə əsasən 2015-ci ildən 2018-ci ilə qədər bu iki mənbə arasında 2,4 milyon dollar vəsait köçürülüb.

Lakin cinayətkarlığa qarşı mübarizə üzrə Milli Agentlik məhkəməyə məlumat verib ki, bank köçürmələrinin tarixləri nəzərdən keçirilən müqavilələrlə üst-üstə düşməyib və idarəetmə müqaviləsi adətən pul köçürüldükdən sonra "bağlanıb".

Bundan əlavə, prokurorluq baxılan müqavilələrdə Cavadovların imzalarının həqiqiliyini, həmçinin ofşor şirkətlərdən istifadənin məqsədlərini şübhə altına alıb.

"Şotlandiya, İrlandiya və ya Seyşel adaları firmalarının Azərbaycanda daşınmaz əmlakı necə idarə etməsi və niyə onların Estoniyada və ya Latviyada bank hesablarından istifadə etməsi ilə bağlı heç bir izahat verilməyib", - araşdırmada deyilir.

Cinayətkarlığa qarşı mübarizə üzrə Milli Agentliyin müstəntiqləri diqqəti ona yönəldiblər ki, nəzərdən keçirilən 20 şirkətdən heç biri Azərbaycanda deyil və buna görə də onların mülkiyyətə görə haqqı Cavadova ödəyə bilməsi şübhəlidir. Bundan əlavə, bu ödənişlərin heç biri birbaşa Azərbaycandan daxil olmayıb, araşdırmada göstərilir.

Bu hesabatda adı çəkilən şəxslər irəli sürülmüş ittihamları heç cür şərh etmirlər. Turan agentliyi onların fikirlərini dərc etməyə hazırdır.—06D-