Moskvada Crocus City-də terror aktı işi üzrə səkkizinci şəxs saxlanılıb
Bu gün Rusiya Federasiyasının 32 yaşlı vətəndaşı Əlişir Qasımov Crocus City-də törədilmiş terror aktı işi üzrə həbs edilib. Çayxana sahibi və əslən Qırğızıstandan olan Qasımov Krasnoqorskdakı mənzilini tacik Faridun Şəmsidinə icarəyə verməkdə günahlandırılır. Faridun Şəmsidin terrorda iştiraka görə həbs edilib.
Öz növbəsində, Rusiya İstintaq Komitəsinin rəhbəri Aleksandr Bastrıkin bildirib ki, ötən gün həbs olunan üç tacik – ata və iki oğul terrorçulara mənzil və maşın veriblər.
Terror atkının digər iştirakçıları və sifarişçiləri haqqında heç bir məlumat verilmir, baxmayaraq ki, bundan öncə istintaq 11 nəfərin saxlanıldığını bildirib.
Ötən gün Rusiya prezidenti Vladimir Putin terror aktının arxasında radikal islamçıların olduğunu etiraf edib.
Siyasət
-
Dekabrın 23-də Belqradda Azərbaycan və Serbiya Xarici İşlər Nazirlikləri rəhbərlərinin görüşü olub. Yekun mətbuat konfransında Serbiyanın xarici işlər naziri Marko Curiç bildirib ki, tərəflər turizmin inkişafını müzakirə ediblər. "Biz birbaşa aviareyslərin açılması, iqtisadi inkişaf və energetika üzrə işi gücləndiririk", - Curiç deyib.
-
Bazar ertəsi Bakı Ağır Cinayətlər Məhkəməsində fəal Bəxtiyar Hacıyevin işi üzrə dinləmələr davam edib.
-
Dekabrın 23-də Bakı Ağır Cinayətlər Məhkəməsində "Kanal-11" YouTube resursunun rəhbəri Teymur Kərimovun işi üzrə proses davam edib. O, hədə yoluyla tələb etməkdə ittiham olunur.
-
Mossad (İsrailin xarici kəşfiyyat xidməti) rəhbəri David Barnea ölkənin siyasi rəhbərliyinə tövsiyə edib ki, husilərə yox, İrana zərbə endirsin, dekabrın 22-də Ynet bildirib.
Rəy yaz