Bakı/28.05.19/Turan: Respublika Günü münasibətilə Novxanı qəsəbəsində Azərbaycan Xalq Cümhuriyyətinin banilərindən biri Məhəmməd Əmin Rəsulzadənin abidəsinin önündə bayram mitinqi keçirilib.
M.Ə.Rəsulzadənin nəvəsi Rais Rəsulzadə mitinqdə çıxış edərək deyib ki, hətta sovet hakimiyyəti AXC-ni və onun qurucularını xalqın yaddaşından silə bilməyib. Azərbaycan xalqı mövcud olduqca AXC yaddaşlarda qalacaq.
Milli Strateji Düşüncə Mərkəzinin rəhbəri İsa Qəmbər M.Ə.Rəsulzadə irsinə qısqanclıqla yanaşdığına görə Azərbaycan hakimiyyətini tənqid edib.
"Lakin hakimiyyət Məhəmməd Əmin Rəsulzadənin xidmətlərini nə qədər çox unutdurmağa çalışırsa, xalqın ona olan sevgisi daha çox artır", - İ.Qəmbər qeyd edib.
Müsavat Partiyasının rəhbəri Arif Hacılı AXC banilərinin xatirəsinə yetərincə ehtiram göstərilmədiyinə və demokratik dəyərlərə hörmət edilmədiyinə görə hakimiyyəti tənqid edib.
A.Hacılı deyib ki, hətta bayram günlərində hakimiyyət insan hüquqlarının pozulmasına əl atıb və Müsavat Partiyası Cəlilabad rayon təşkilatından mitinqə gələn 4 fəalı saxlayıb. A.Hacılı hakimiyyəti saxlanılanları azad etməyə çağırıb ki, onlar da hər azərbaycanlı üçün dəyərli olan bayramı qeyd edə bilsinlər.-06D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz