Bakı/16.10.19/Turan: Demokratik Qüvvələrin Milli Şurası (DQMŞ) oktyabrın 19-da Bakıda keçiriləcək mitinq ərəfəsində ən az 11 müxalifət fəalının saxlanıldığını bildirib.
Belə ki, Azərbaycan Xalq Cəbhəsi Partiyasının (AXCP) fəalı Tofiq Məmmədov oktyabrın 10-da saxlanılıb və elə həmin gün İnzibati Xətalar Məcəlləsinin 510.1-ci (kiçik xuliqanlıq) maddəsi ilə inzibati qaydada 10 gün müddətinə həbs edilib.
Digər AXCP üzvü Əliağa Məmmədov oktyabrın 14-də saxlanılıb. Növbəti gün o, İXM-nin 535.1-ci (polisə tabe olmama) maddəsilə 30 gün müddətinə həbs edilib.
AXCP-nin Rəyasət Heyətinin üzvü Saqif Qurbanov oktyabrın 14-də saxlanılıb və növbəti gün İXM-nin 535.1-ci maddəsi ilə 30 gün müddətinə həbs edilib.
AXCP Gənclər Komitəsinin Rəyasət Heyətinin üzvü Nicat Nizamov oktyabrın 15-də saxlanılıb və 535.1-ci maddə ilə 15 gün müddətinə həbs edilib.
AXCP Reviziya Komissiyasının üzvü Murad Sultanov oktyabrın 15-də saxlanılıb. Elə həmin gün məhkəmə onu inzibati qaydada həbs edib. Amma hələlik onun neçə günlük həbs edildiyi məlum deyil.
AXCP-nin Binəqədi Rayon təşkilatının sədr müavini Yalçın Abdullayev oktyabrın 15-də 15 günlük inzibati həbsə məhkum edilib.
Nazim Həsənov - AXCP-nin Lənkəran təşkilatının sədri oktyabrın 15-də polisə çağırılıb, amma səhhəti ilə əlaqədar gedə bilməyib.
Lənkəran təşkilatının digər üzvləri Kazım Həsənov və Nicat İbadova polisdə mitinqə getməməyi tapşırıblar.
AXCP-nin Masallı təşkilatının fəalı Ataş Hüseynov oktyabrın 14-də saxlanılıb və bir gün sonra xəbərdarlıq edilərək sərbəst buraxılıb.
AXCP-nin Qaradağ Rayon təşkilatının üzvü Elvin Məmmədov oktyabrın 12-də polisə çağırılıb və bir neçə saat dindirildikdən sonra sərbəst buraxılıb.
Bundan başqa, bir müddət əvvəl Səhlədar İsgəndərli (60 gün), Zamin Salayev və Elxan Əliyev (hər biri 15 gün) saxlanılıb və inzibati cəza çəkir.
Bununla yanaşı, 9 AXCP fəalı cinayət ittihamları ilə uzunmüddətli həbs cəzaları çəkir.
Hakimiyyət DQMŞ-yə mitinqi oktyabrın 19-da Lökbatan qəsəbəsində keçirməyi təklif edib.
Amma müxalifət bu təklifi qəbuledilməz hesab edib və Bakının mərkəzində metronun "28 May" stansiyası qarşısında aksiya keçirmək niyyətindədir. -06D-
Siyasət
-
Dekabrın 23-də Rusiya prezidenti Vladimir Putin Azərbaycan prezidenti İlham Əliyevə doğum günü münasibətilə təbrik göndərib. Məktubda deyilir:
-
ABŞ səfirliyi bu ölkəni yenidən qeyri-diplomatik ifadələrdən istifadə edərək antiazərbaycan siyasətində ittiham edən "Həftə" proqramının müəllifinə cavab verib.
-
23 dekabr 2024-cü il tarixində Azərbaycan Respublikasının xarici işlər naziri Ceyhun Bayramov Serbiya Respublikasına işgüzar səfəri çərçivəsində bu ölkənin prezidenti Aleksandar Vuçiç ilə görüşüb.
-
Dekabrın 23-də Belqradda Azərbaycan və Serbiya Xarici İşlər Nazirlikləri rəhbərlərinin görüşü olub. Yekun mətbuat konfransında Serbiyanın xarici işlər naziri Marko Curiç bildirib ki, tərəflər turizmin inkişafını müzakirə ediblər. "Biz birbaşa aviareyslərin açılması, iqtisadi inkişaf və energetika üzrə işi gücləndiririk", - Curiç deyib.
Rəy yaz