Namizədə əngəllər yaradılması bildirilir

Bakı/04.01.20/Turan:  "Hərəkət" Seçki Blokun üzvü Toğrul Vəliyevin fevralın 9-da keçiriləcək Milli Məclisə seçkilərə namizədliyini qeydə almaqdan imtina edildiyi bildirilir. 

Bu barədə Turana məlumat verən Vəliyev bildirib ki, onu bu gün, yanvarın 4-də 23 saylı Nəsimi-Səbail dairə seçki komissiyasına dəvət ediblər. "Mən bir neçə gün əvvəl imza vərəqələri DSK-ya təqdim etmişəm. Bu gün isə DSK-ya gələndə sədr mənə dedi ki, xoş xəbər verə bilməyəcək və təqdim etdiyim 488 imza arasında 42 etibarsız imza tapılıb. Yəni lazım olan 450 imzadan yalnız 446 etibarlıdır və məni bu səbəbdən qeydə ala bilməzlər". 

Vəliyev əlavə edib ki, imzaları araşdıranda DSK etibarsız imzaları maraqlı sistem vasitəsilə "tapıb". "Mənə deyilib ki, etibarsız imzalar arasında 20-si "sistemdə" tapılmayıb. Sistemin adını soruşanda məlum oldu ki, Nəsimi və Səbail rayonlarında qeydiyyatdan keçmiş şəxslərin sistemi nəzərdə tutulur. Öz növbədə bu adamları yanımda yoxlamağa təklif etdim. 3 nəfəri yoxlayanda onlar həm seçicilər siyahısında, həm də dedikləri "sistemdə" tapıldı. Sadəcə işçi nəyəsə görə "Romanenko" yerinə "Romenenko" ya da "Hüseynova Tamila" yerinə "Hüseynovatamila" axtarırdı. Bundan sonra axtarış dərhal dayandırıldı". 

T.Vəliyev vurğuladı ki, qərar barədə soruşanda ona qərarın birinci gün veriləcəyi barədə məlumat verildi. "Amma Rəyə görə "imtina"-dır deyildi. Sonra isə sədr mövzuya heç bir aidiyyatı olmayan suallar verdi. Sonda da xəbər verdi ki, işçi qrupu bir də yoxlayacaq. Amma qərarın necə olması bəlli deyil. Görüşün sonunda heç bir sənəd almadım və ona görə bu gün çağrılmağımın mənasını başa düşmədim".

23 saylı Nəsimi-Səbail dairə seçki komissiyasından məsələ ilə bağlı Turana deyilib ki, Vəliyev Toğrulla bağlı qərar hələ ki, qəbul edilməyib. "Vəliyevi yəqin ki, sədr çağırmışdı və bunun səbəblərini bilmirəm. Amma bildiyim qədər qərar hələ ki, yoxdur. Sədrin özü yerində yoxdur, Mərkəzi Seçki Komissiyasına gedib", - deyə bildirilib. -0-