Naxçıvan MTN jurnalisti şantaj edir

“Azadlıq” radiosunun Naxçıvan müxbiri Yafəz Əkrəmoğlu cümə günü Media Mərkəzdə keçirdiyi mətbuat konfransında təqiblər, hədələr və şantajlar barədə danışıb.

Aprelin 3-də onun evinə şantaj və hədə dolu məktubla paket gətiriblər. 

Paketdə həmçinin çılpaq qadın şəkilləri, facebook yazışmaları və naməlum kişi və qadın arasında intim söhbət əks olunan CD var idi.

“Növbəti gün bir kişi mənə zəng edərək, özünü Naxçıvan MTN-in nümayəndəsi kimi təqdim etdi. O dedi ki, paket MTN əməkdaşları tərəfindən göndərilib və mənə Naxçıvan haqqında neqativ materiallar hazırlamağa son qoymağı təklif edib. O, həmçinin pul təklif etdi, lakin mən imtina etdim”, deyə jurnalist bildirib.

“Bu materiallar Naxçıvan rəhbərliyini çox narahat edirdi, çünki bütün materiallar və jurnalist araşdırmaları hüquq pozuntuları və hakimiyyətin özbaşınalığı ilə bağlıdır”, deyə Əkrəmoğlu bildirib.

Gələcəkdə onun və ailəsinin başına gələ biləcək hər şeyə görə məsuliyyət Naxçıvan rəhbərliyinin üzərinə qoyulur. O, həmçinin bildirib ki, dünən “Azadlıq” radiosunun redaksiyası baş verənlərlə bağlı DİN-ə, Baş Prokurorluğa və MTN-ə müraciət edib.

Araşdırmaçı jurnalist Xədicə İsmayılova öz növbəsində hesab edir ki, Əkrəmoğluna və onun ailəsinə qarşı mümkün əməllərə görə təkcə NMR rəhbərliyi deyil, respublika DİN, Baş Prokurorluğu və digər müvafiq idarələr də məsuliyyət daşıyacaq. O hesab edir ki, bunda jurnalistlərin də təqsiri var, onlar daim bu qurumlardan jurnalistlərə qarşı törədilmiş cinayətlərə, o cümlədən Elmar Hüseynovun və Rafiq Tağının qətlinə görə cavab tələb etməli idilər. -04С-