EL nümayəndəsi Lənkərana girişdə hücuma məruz qalıb
Saat 15 radələrində EL hərəkatının nümayəndəsi Eldəniz Quliyev Lənkəran şəhərinə girişdə hücuma məruz qalıb.
EL sədri Eldar Namazovun Turan-a verdiyi məlumata görə, Quliyev saat 17-yə təyin edilmiş regional konfransda iştirak etmək üçün Lənkərana gedirdi. “Şəhərin girişində onun avtomobilinin yolu kəsilib və naməlum şəxslər dəyənək və daşlarla maşına vurmağa başlayıblar. Xuliqanların hərəkətlərinə icra hakimiyyətinin nümayəndəsi rəhbərlik edib”, deyə Namazov bildirib.
Cümə günü EL-in regional konfransları keçirilməli olan digər rayonlardan da analoji məlumatlar daxil olur.
Xatırladaq ki, yanvarda hakimiyyət tərəfindən Müsavat Partiyasının lideri İsa Qəmbərin kortejinə də analoji basqın təşkil edilmişdi. Onlarla polis və icra hakimiyyəti işçisi yolu kəsərək, Qəmbəri müşaiyyət edən şəxslərə hücum ediblər.
Hakimiyyət hələ də bu faktı tədqiq etməyib və hadisənin səbəbləri haqqında izahat verməyib. -02В-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz