Nikol Pashinyan
Paşinyan Azərbaycanla sülh sazişi imzalamağa hazır olması barədə
Bakı/31.03.22/Turan: Ermənistanın baş naziri Nikol Paşinyan qarşıdakı Brüssel görüşündə Azərbaycan prezidenti İlham Əliyevlə sülh danışıqları prosesinin başlanması ilə bağlı bütün məsələləri müzakirə etməyə və razılaşdırmağa ümid edir.
Cümə axşamı hökumətin iclasında Paşinyan qeyd edib ki, erməni tərəfi Azərbaycanla sərhəddə, həmçinin Dağlıq Qarabağda vəziyyətin sabitləşdirilməsilə bağlı təklifləri dəstəkləyir, “hər cür, həm silahlı, həm də psixoloji təxribatlara son qoyulmalıdır”, - Ermənistan KİV Paşinyandan sitat gətirib.
Əsasən Paşinyan bildirib ki, Ermənistan Bakının sülh sazişi ilə bağlı 5 bənddən ibarət təklifini qəbul edir, lakin Qarabağ erməniləri üçün təhlükəsizliyə zəmanətlə bağlı məsələlərin ora daxil edilməsini vacib hesab edir.
Xatırladaq ki, Bakının təkliflərinə aşağıdakılar daxildir: 1) suverenliyin, ərazi bütövlüyünün, beynəlxalq sərhədlərin toxunulmazlığının qarşılıqlı tanınması; 2) ərazi iddialarının olmamasının qarşılıqlı təsdiqi və gələcəkdə onların irəli sürülməməsi; 3) tərəflər təhlükəsizliyə təhdidlərdən, müstəqilliyə və ərazi bütövlüyünə qarşı güc tətbiq etməkdən çəkinməyi öhdələrinə götürürlər; 4) dövlət sərhədinin delimitasiyası və demarkasiyası, diplomatik münasibətlərin qurulması; 5) nəqliyyat və kommunikasiyaların açılması və digər sahələrdə əməkdaşlıq.
Bu təkliflərin qəbulu ilə bağlı Yerevanın bəyanatları fonunda Qarabağ separatçıları Azərbaycanın tərkibində olmağın mümkünsüzlüyünü bildirirlər və “Qarabağ ərazisinin Azərbaycan tərəfindən işğalı” haqda “qanunlar” qəbul edirlər.
Bundan əlavə, Qarabağ erməniləri tərksilahdan imtina edirlər və bildirirlər ki, Qarabağın müstəqilliyi uğrunda mübarizə prioritetdir.
Və Ermənistan hakimiyyəti 90-cı illərin əvvəllərində işğal olunmuş Azərbaycanın Qazax rayonundakı 7 kəndi azad etməkdən imtina edir.
Bütün bunlar onu göstərir ki, erməni tərəfi münaqişənin sülh yolu ilə həllinə hazır deyil. -02B-
-
- Maliyyə
- 31 Mart 2022 13:45
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz