![Prezident İlham Əliyev.](https://turan.az/resized/750/500/resize/media/2020/main/110500033653.jpg)
Prezident İlham Əliyev.
Prezident İlham Əliyev: “Dağlıq Qarabağın gələcəyi müharibədən sonra müzakirə oluna bilər”
Bakı /05.11.20/Turan: Dağlıq Qarabağın gələcəyi ilə bağlı məsələ münaqişənin qaynar fazası bitdikdən sonra müzakirə oluna bilər. Bu fikri Azərbaycan prezidenti İlham Əliyev İspaniyanın EFE agentliyinə müsahibəsində söyləyib.
“Azərbaycan regiona muxtariyyət verməyə hazırdır?” sualının cavabında İ.Əliyev deyib: “Bu, əsas prinsiplər üzərində gələcək danışıqların bir hissəsi olmalıdır. Çünki əsas prinsiplərin birinci hissəsində işğal olunmuş ərazilərdən - 5 üstəgəl 2 rayondan vaxt cədvəlinə müvafiq olaraq qoşunların çıxarılması tələb olunurdu. Sonra təhlükəsizlik, sülhməramlı əməliyyatlar, Dağlıq Qarabağın statusu kimi əsas prinsiplərin başqa elementləri də var idi. Biz həmişə bunu müzakirə etməyə açıq idik. Biz dəfələrlə onlara müxtəlif yollar təklif etdik, lakin onlar bunları rədd etdilər. Biz onlara Azərbaycan daxilində muxtariyyət təklif etdik, mədəni muxtariyyət təklif etdik. Dedik ki, dünyada, Avropada, Skandinaviya, Alan adaları timsalında, İtaliyada Cənubi Tirol timsalında və bir çox başqa yerlərdə yaxşı nümunələr var. Lakin onlar hər şeyi rədd etdilər. Onlar yalnız müstəqillik tələb edirdilər. Onlar münaqişəni dondurmaq üçün hər şeyi edirlər”, - İ.Əliyev deyib.
Onun sözlərinə görə, statusun müzakirəsi üçün münaqişənin qaynar fazası başa çatmalıdır.
“Birincisi, münaqişənin bu qaynar fazasını bitirməliyik, danışıqlar masasına qayıtmalıyıq, Ermənistan mənim artıq dediyim öhdəlikləri üzərinə götürməlidir və sonra biz gələcəkdə nə baş verəcək onun haqqında danışa bilərik”, - İ.Əliyev bildirib. –06D-
-
- Siyasət
- 5 Noyabr 2020 16:15
Siyasət
-
İqtisad elmləri doktoru Qubad İbadoğlunun əleyhinə ifadə verdiyi bildirilən Fazil Qasımov iyunun 14-dən 1 saylı Bakı İstintaq Təcridxanasında aclıq aksiyasına başlayıb. O ittihamı qəbul etmir və istintaqın qeyri obyektiv aparılmasına etiraz edir.
-
Şənbə günü Xətai Rayon Məhkəməsi Toplum Tv internet nəşrinin həbsdə olan təsisçisi Ələsgər Məmkdinin mülki klinikada tibbi müayinədən keçirilməsi ilə bağlı vəsatəti təmin edib. Bu barədə Turan-a onun vəkili Aqil Lahıc məlumat verib.
-
15 iyun Azərbaycanda rəsmi olaraq, Milli Qurtuluş Günü qeyd olunur.
-
Prezident İlham Əliyev Qurban Bayramı münasibətilə xalqı təbrik edib. Dövlət başçısının müraciətində qeyd olunur ki, "Dini bayramlar, o cümlədən Qurban mərasimləri cəmiyyətimizdə milli-mənəvi birliyin, xeyirxahlıq və mərhəmət duyğularının təntənəsinə çevrilir".
Rəy yaz