Prezident İlham Əliyev: “Rusiya Azərbaycana “Sputnik V” və "Astrazeneca" vaksinləri göndərəcək

Bakı/26.02.21/Turan: Azərbaycan Cənubi Qafqazda peyvənd prosesinə başlayan ilk dövlətdir, bu barədə prezident İlham Əliyev fevralın 26-da mətbuat konfransında bildirib.

"Biz Avropadan cəmi bir ay sonra peyvəndə başlamışıq", - o deyib və qeyd edib ki, peyvəndlər Çin istehsalı olan “CoronaVac" peyvəndidir.

"Biz həmçinin COVAX sisteminə qoşulmuşuq və bu çərçivədə digər vaksinləri – “AstraZeneka”, “Moderna” və “Pfizer”i alacağıq”, - prezident deyib.

“Rusiya tərəfilə bizim “AstraZeneka” vaksinin Azərbaycana tədarükü ilə bağlı müvafiq sənədlər imzalandı, çünki Rusiya şirkətləri postsovet məkanında həmin vaksinin distribyutorlarıdır. O cümlədən də “Sputnik-V” vaksinin tədarükü ilə bağlı. Lakin hələ ki bu vaksinlər ölkəmizə gəlib çıxmayıb. Bizdə olan məlumata görə, “Sputnik-V” hələ ki Rusiyanın daxili tələbatları təmin edir və bu vaksin çox məhdud sayda xarici ölkələrə tədarük edildi",- prezident deyib.—06D-