![Prezidentin yeni köməkçisi qarşıdakı iqtisadi islahatlar barədə](https://turan.az/resized/750/500/resize/media/2016/main/020800146216.jpg)
Prezidentin yeni köməkçisi qarşıdakı iqtisadi islahatlar barədə
Azərbaycanda iqtisadi islahatlar konsepsiyası dörd əsas istiqaməti əhatə edəcək. Bunu ölkə prezidentinin iqtisadi məsələlər üzrə yeni köməkçisi Natiq Əmirov AzTv-yə müsahibəsində deyib.
Birinci istiqamət maliyyə bazarlarında sabitlik, manatın likvidliyinin bərpası, həmçinin maliyyə intizamının möhkəmləndirilməsi ilə bağlıdır.
Azərbaycanın valyuta ehtiyatları 38 mlrd. dollara yaxın təşkil edir. Bu rəqəm ümumi daxili məhsulun həcmini üstələyir. Bu cür strateji resurslara malik dövlət maliyyə çətinlikləri ilə üzləşə bilməz. Bununla belə, resurslardan düzgün, rasional istifadə və ümumi daxili məhsulun həcminin artırılması ən prioritet istiqamətlər hesab olunur.
Bu məqsədlə Maliyyə Bazarlarına Nəzarət Palatası yaradılıb. Mart ayından başlayaraq Mərkəzi Bank, həmçinin Palata və digər müvafiq qurumlar ölkədə manatın likvidliyinin artırılması üzə çox ciddi qərarlar qəbul edəcəklər və manatın aktivliyi tam bərpa ediləcək.
İkinci istiqamət ixracın stimullaşdırılması ilə bağlıdır. Bundan ötrü dövlət başçısı ixracın stimullaşdırılması üçün qurum yaradılması barədə göstəriş verib. Qurum qonşu ölkələrin iqtisadiyyatını araşdıracaq və müəyyən edəcək ki, Azərbaycan onların bazarlarına hansı məhsulları göndərə bilər.
Bundan ötrü yeni özəlləşdirmə proqramları vasitəsilə investorların cəlb edilməsi nəzərdə tutulur. Buna hazırlıq beynəlxalq ekspetlərin iştirakı ilə aparılır.
N.Əmirovun sözlərinə görə, əvvəlki özəlləşdirmə proqramlarından fərqli olaraq, bundan sonra yeni sahiblər dövlətdən ayrıldıqdan sonra müəssisənin fəaliyyətinə dair investisiya layihəsini təqdim etməldirlər.
Üçüncü əsas istiqamət daxili bazarın islahatlar yolu ilə formalaşdırılması və idxaldan asılılığın azaldılmasıdır.
İslahatlar konsepsiyasının dördüncü istiqaməti sahibkarlığın, əsasən kənd təsərrüfatı məhsulları istehsalçılarının dövlət satılnalmaları yolu ilə stimullaşdırılmasıdır.
“Dövlət başçısının göstərişi ilə sistem hazırlanır ki, bunun əsasında dövlət bir il öncədən kənd təsərrüfatı məhsullarına sifariş edəcək. Sahibkar biləcək ki, əgər yetişdirilən məhsulu bütünlüklə sata bilməsə qalan hissəsini dövlət alacaq. Bu proses çox şəffaf olacaq və İnternet vasitəsilə həyata keçiriləcək”, - N.Əmirov bildirib.–06D-
-
- İqtisadiyyat
- 8 Fevral 2016 12:06
-
- İqtisadiyyat
- 8 Fevral 2016 13:01
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz