Qlobal Maqnitski Qanunu: Amerika ekspertləri bütün dünyada sanksiyaların tətbiq edilməsi metodikasını müzakirə edirlər

Vaşinqton/14.03.18/Turan: ABŞ-ın aparıcı hüquq müdafiəçiləri və Konqres əməkdaşları çərşənbə axşamı Tramp administrasiyasının konkret şəxslərin və təşkilatların "Qlobal Maqnitski" Qanununa uyğun olaraq sanksiyalar siyahısına daxil edilməsi haqqında qərar qəbul etməsi üçün tələb olunan alətləri müzakirə ediblər.

Konqresin 2016-cı ildə qəbul etdiyi bu qanun insan hüquqlarının pozulmasına və korrupsiyaya görə güclü cəza alətlərinin yaradılmasını nəzərdə tutur. Faktiki olaraq, Konqresin ATƏT regionunda insan hüquqlarına nəzarət edən Helsinki Komissiyasından Kayl Parkerin sözlərinə görə, bu qanun o deməkdir ki, ABŞ bu cür pozuntulardan zərər çəkənlərin tərəfində çıxış edir. Digər altı ölkənin - Estoniya, Böyük Britaniya, Kanada, Litva, Latviya, Gibraltalın da bu qanunun öz versiyaları var. Bununla belə, Human Rights First-dən Robert Berşinskinin sözlərinə görə, bu, həddindən artıq güclü alətdir, onu həyata keçirmək asan deyil, çünki o, təqsirləndirilən şəxslə bağlı vəziyyətin tamamilə aydınlaşdırılmasını tələb edir.

Dəlillərin hazırlanmasına toxunan bu qanunun təşəbbüskarı Bill Brauder aşağıdakı parametrlərin əhəmiyyətini qeyd edib:

• İnsan hüquqlarını pozan şəxsin adı

• Doğum tarihi

• Hökumətdə vəzifəsi

• Pozuntu kateqoriyası

• İnsan hüquqlarının pozulmasında rolu

• İnsan hüquqlarından sui-istifadənin konkret təfsilatı

• Sənədlərlə təsdiq

Obama administrasiyasında dvlət katibinin demokratiya, insan hüquqları və əmək məsələləri üzrə keçmiş müavini Berşinski üçün konkret şəxsin insan hüquqlarının pozulmasında rolu haqqında nəşrlər böyük əhəmiyyət kəsb edir.

Qlobal Maqnitski Qanunu sadəcə "sanksiyalar qoymur", daha çox insan hüquqları sahəsində beynəlxalq normaları pozan şəxslərin "pis davranışının dayandırılması və qarşısının alınması" alətidir. -0-